पछिल्लो २४ घण्टामा देशभर थप ५७७ जनामा कोरोना भाइरस संक्रमण पुष्टि भएको छ भने २ जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार पछिल्लो समय ४ हजार २८२ जनाको परीक्षण गर्दा थप संक्रमण पुष्टि भएको हो ।

यससँगै नेपालमा पीसीआर विधिबाट गरिएको परीक्षणमा कोरोना भाइरस संक्रमितको संख्या हालसम्म ९ लाख ८५ हजार ८०८ पुगेको छ । एन्टिजेन विधिबाट गरिएको परीक्षणमा संक्रमितको संख्या १ लाख ४२ हजार ३६३ रहेको छ । पछिल्लो समय थप २६९ जना संक्रमणमुक्त भएका छन् । 

पछिल्लो समय २८ हजार २५६ जनाले खोप लगाएका छन् । हाल सक्रिय संक्रमितको संख्या ४ हजार ३५६ रहेको छ । जसमध्ये होमआइसोलेसनमा ४ हजार २०३, संस्थागत आइसोलेसनमा १५३, आईसीयूमा ३४ र भेन्टिलेटरमा ५ जनाको उपचार भइरहेको छ ।