चोरीका विभिन्न सामान खरिद गरेको आरोपमा एक युवक पक्राउ

प्रहरीले चोरीका विभिन्न सामान खरिद गर्ने गरेको अभियोगमा एक भारतीय नागरिकलाई पक्राउ गरेको छ । अपराध महाशाखाको टोलीले चोरिएका सामान सस्तो मूल्यमा खरिद गर्ने गरेको भेटिएपछि भारत मोतिहारी घर भई ललितपुर बालकुमारीमा बस्दै आएका २९ वर्षीय सुनिलकुमार जैसवाललाई पक्राउ गरेको हो ।

गत जेठ ९ गते काठमाडौं बुद्धनगरस्थित रोशन भण्डारीको घरमा भएको चोरी घटनाको अनुसन्धानका क्रममा उनको संलग्नता देखिएपछि पक्राउ गरिएको प्रहरीले जनाएको छ । उनले विभिन्न व्यक्तिले चोरी गरेका सामान सस्तोमा खरिद गर्ने गरेको पुष्टि भएको प्रहरीले जनाएको छ । 

बालकुमारीमा कवाडी संकलन केन्द्र सञ्चालन गर्दै आएका उनले जानी–जानी चोरिएका सामान सस्तो मूल्यमा खरिद गर्ने गरेका थिए । उनको कवाडी खानाबाट प्रहरीले राजधानीका विभिन्न स्थानबाट चोरिएका सामानसमेत बरामद गरेको छ । सम्बन्धित धनीले आफूहरूको सामान भएको सनाखत गरेपछि ती सामानहरूसहित उनलाई नियन्त्रणमा लिएको हो । 

प्रहरीले उनको साथबाट चोरिएका सुन र चाँदीका गरगरहना, टिभी सेट, कम्प्युटर, चरेशको थाल, गाग्री, कचौरा, करुवा, मोबाइल, घडी, पानी तान्ने मोटर, तथा विभिन्न देशको नोटसमेत बरामद गरेको छ ।