नेकपा माओवादी केन्द्रको स्थायी कमिटी बैठक बसेकाे छ । हिजो नेताहरू व्यस्त भएका कारण बैठक आजका लागि सारिएको थियो । पार्टी कार्यालय पेरिसडाँडामा जारी बैठक आगामी निर्वाचनको रणनीति बनाउन केन्द्रित रहेको नेताहरूले बताएका छन् । 

मंगलवारको बैठकले पार्टी पदाधिकारी चयन गर्ने भनिए पनि बैठकमा आगामी मंसिर ४ गते हुने प्रतिनिधि सभा र प्रदेश सभा निर्वाचनको रणनीति बनाउन केन्द्रित रहेको एक नेताले बताए । 

बैठकमा डा. बाबुराम भट्टराई नेतृत्वको नेपाल समाजवादी पार्टी (नेसपा)सँगको सहकार्य र मोर्चाबन्दीबारे छलफल भएको बताइएको छ । बैठकले यसबारेमा औपचारिक निर्णय गरेर मंगलवार नै निर्वाचन आयोगलाई जानकारी दिने छ । निर्वाचनमा एउटै निर्वाचन चिह्नमा भाग लिन चाहानेले दलहरूले आयोगलाई जानकारी दिनुपर्दछ । त्यसरी जानकारी दिने मंगलवार अन्तिम समय हो । 

बैठकमा आगामी मंसिर ४ गते हुने प्रदेश र प्रतिनिधि सभा निर्वाचन लक्षित कार्यक्रम र नेताहरुको कार्यविभाजनबारे पनि छलफल भएकाे एक नेताले बताए ।