प्रतिनिधि सभाको बैठक बुधवारका लागि सरेको छ । शनिवार दिउँसो १ बजेको लागि निर्धारण गरिएको प्रतिनिधि सभाको बैठक विशेष कारणबस आज बस्न नसक्ने भएको संसद् सचिवालयले जानकारी दिएको छ । 

प्रतिनिधि सभाका सचिव गोपालनाथ योगीले सूचना प्रकाशन गरेर बैठक सरेको बताएका हुन् । अब आगामी बुधवार बिहान ११ बजे प्रतिनिधि सभाको बैठक बस्ने गरी सभामुख अग्निप्रसाद सापकोटाले निर्धारण गरेको योगीले बताए ।