जनता समाजवादी पार्टीका अध्यक्ष उपेन्द्र यादवले फास्ट ट्रयाकमा ल्याइएको संविधानलाई संशोधन गर्नुपर्नेमा गर्न नसकिएको बताएका छन् । प्रतिनिधि सभामा शनिवार सम्बोधन गर्दै यादवले अहिले पनि यो संविधानलाई सबै समुदायले स्वीकार नगरेको बताएका हुन् । 

एउटै सरकारले यही संविधानलाई आधार मानेर दुई पटकसम्म संसद विघटन गरेको भन्दै लोकतन्त्रको रक्षा गर्नेहरूले संसद्लाई पुनर्जीवन प्रदान गरेको उनले बताए । ‘संघीयतामा देश गइसके पनि एकात्मक चिन्तनबाट अहिले पनि ग्रस्त छ, निजामती ऐन अहिलेसम्म पारित नहुनु दुर्भाग्यपूर्ण हो’, यादवले भने, ‘प्रदेशलाई दिनुपर्ने अधिकार अहिलेसम्म नदिँदा संघीयतालाई धरापमा पारेर अर्कै दिशातर्फ लग्न खोजिएको हो कि भन्ने शंका उत्पन्न भएको छ ।’

प्रदेशलाई अधिकार सम्पन्न बनाउन संघीय संसदबाट बन्नु पर्ने कानून नबनेको उनले बताए ।