प्रधानमन्त्री शेरबहादुर देउवालाई भारतीय समकक्षी नरेन्द्र मोदीले शुभकामनाप्रति धन्यवाद दिएका छन् । देउवाले शनिबार बिहान मोदीलाई ट्वीटरमार्फत जन्मदिनको शुभकामना दिएका थिए । देउवाले भनेका थिए, ‘जन्मदिनको अवसरमा सुस्वास्थ्य एवम् दीर्घायुको धेरैधेरै शुभकामना प्रधानमन्त्री नरेन्द्र मोदीजी ।’

जवाफमा राति मोदीले देउवालाई धन्यवाद दिँदै भनेका छन्, ‘जन्मदिनको शुभकामनाका लागि हृदयदेखिनै धन्यवाद प्रधानमन्त्री शेरबहादुर देउवा ।’ मोदीले आज आफ्नो ७२ औं जन्मदिन मनाएका हुन् ।