मानिसको जन्म राम्रा कामका लागि भएको हो, कसैले आत्महत्याको बाटो रोज्नुहुन्नः गृहमन्त्री खाण

गृहमन्त्री बालकृष्ण खाणले वर्तमान सरकार आम नेपालीहरूको जीवन रक्षाका लागि प्रतिबद्ध रहेको बताइएका छन् । आइतवार काठमाडौंमा आयोजित आत्महत्या रोकथाम तथा न्यूनीकरणसम्बन्धी सचेतना कार्यक्रमलाई सम्बोधन गर्दै उनले यस्तो बताएका हुन् । 

गृहमन्त्री खाणले हरेकको जन्म राम्रा कामका लागि हुने भन्दै आत्महत्याको बाटो कसैले रोज्नु नहुने बताए । उनले नेपाल प्रहरीले पनि आम नागरिकको जनधनको रक्षाका लागि र शान्ति सुरक्षाको लागि प्रतिवद्धतापूर्वक काम उल्लेख गरे । उनले हरेक मानिसले सबैभन्दा पहिला आफ्नो जीवन र समाजको रक्षा गर्न सक्नुपर्ने बताए । 

‘वर्तमान सरकार आम नेपालीहरूको जीवन रक्षाका लागि प्रतिबद्ध छ । त्यसका लागि सफलतापूर्वक अघि बढ्नुपर्छ । नेपाल प्रहरीले पनि आम नागरिकको जनधनको रक्षाका लागि र शान्ति सुरक्षाको लागि प्रतिवद्धतापूर्वक काम गरिरहेको हुन्छ । कसैले पनि आत्महत्याको बाटो नरोज्नु होला । जन्म राम्रा कार्यका लागि भएको छ । आफ्नो जीवनको रक्षा गरौँ’, उनले भने ।