१७ वर्षीया किशोरीलाई बलात्कार गरेको आरोप लागेका नेपाली क्रिकेट टोलीका पूर्व कप्तान सन्दीप लामिछानेलाई प्रहरीले म्याद थपका लागि जिल्ला अदालत काठमाडौंमा ल्याएको छ । 

सोमवार बिहान कार्यालय खुल्नेबित्तिकै प्रहरीले सन्दीपलाई जिल्ला अदालत ल्याएको हो ।
  
गत बिहीवार त्रिभुवन अन्तर्राष्ट्रिय विमानस्थलमा प्रहरीसमक्ष आत्मसमर्पण गरेका लामिछाने गौशाला वृत्तको हिरासतमा छन् ।

सोमवार अदालतबाट म्याद थप गरी लामिछानेसँग बयान लिन शुरू गरिने प्रहरीले जनाएको छ ।
 
किशोरीले बलात्कृत भएको भन्दै उनीविरुद्ध भदौ २० गते प्रहरी वृत्त गौशालामा किटानी जाहेरी दर्ता गरेकी थिइन् ।