नाबालिग बलात्कार आरोप लागेका क्रिकेटर सन्दीप लामिछानेमाथि थप गरिएको दोस्रो पटकको म्याद आज सकिँदैछ ।  प्रहरी हिरासतमा रहेका उनलाई बुधबार  अनुसन्धानका लागि तेस्रो पटक म्याद थपको तयारी गरिएको छ । त्यसका लागि प्रहरीले जिल्ला अदालत काठमाडौं लैजाने जनाइएको छ । 

उनीमाथि यसअघि २४ असोज र २७ असोजमा अनुसन्धानका लागि म्याद थप गरिएको थियो । पछिल्लो पटक २७ असोजमा अदालतले पाँच दिन थुनामा राखेर अनुसन्धान गर्न प्रहरीलाई अनुमति दिएको थियो ।

लामिछानेमाथि १७ वर्षीया किशोरीले बलात्कार आरोपमा जाहेरी दिएपछि विदेशबाट फर्किनेक्रममा २० असोजमा त्रिभुवन अन्तर्राष्ट्रिय विमानस्थलबाट पक्राउ परेका  थिए । 

ती किशोरीले भदौ २१ गते प्रहरी वृत्त गौशालामा उजुरी गरेकी थिइन् ।