कात्तिक १८, २०८०
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
मंसिर २, २०७९
प्रतिनिधिसभा र प्रदेशसभा निर्वाचनका लागि सम्पूर्ण तयारी पूरा भएको सुरक्षा निकायले जनाएका छन् ।
२ दिन पछाडि अर्थात् ४ गते हुने निर्वाचनका लागि नेपाली सेना, सशस्त्र प्रहरी बल र नेपाली प्रहरीले सुरक्षात्मक तयारीका सबै काम पूरा भएको जनाएका हुन् ।
नेपाली सेनाले निर्वाचनका लागि ७५ हजार सैनिकहरू खटाएको जंगी अड्डाले जनाएको छ ।
सैनिक प्रवक्ता सहायक–रथी नारायण सिलवालका अनुसार मतपत्र छपाइदेखि हवाइ गस्तीसम्म गरेर ७५ हजार सैनिक यो चुनावका लागि प्रत्यक्ष रूपमा खटिएका हुन् ।
‘७७ वटै जिल्लामा एकीकृत सुरक्षा योजनामा खटिने सैनिक, मतपत्र छपाइको समयमा खटिएका सैनिक, एयरफोर्स लगायतमा खटिएका सैनिक र विमानस्थल सुरक्षामा खटिएका सैनिक पनि यो ७५ हजारमै पर्छन्,’ सिलवालले लोकान्तरसँग भने ।
सेनाले तेस्रो घेरामा रहेर निर्वाचनको सुरक्षा गर्नेछ ।
यस्तै नेपाल प्रहरीले १ लाख १५ हजार म्यादी र ७१ हजार ६९३ प्रहरी कर्मचारी सुरक्षाका लागि खटाएको छ । नेपाल प्रहरीका प्रवक्ता प्रहरी नायब महानिरीक्षक (डीआईजी) टेकप्रसाद राईले सुरक्षाका लागि प्रहरीले देशका ७७ वटै जिल्ला र १६५ वटै निर्वाचन क्षेत्रमा प्रहरी र म्यादी प्रहरी परिचालन गरेको बताए ।
मतदानस्थलसहित सम्पूर्ण सुरक्षाका लागि प्रहरीले सबै काम पूरा गरेको डीआईजी राईले बताए ।
प्रहरीले निर्वाचन सुरक्षाका लागि सरकारबाट बजेट पाएका १ सय ८०, अनुदानमा पाएका ५० र भाडामा रहेका १ हजार ४ सय गरी १ हजार ६३० वटाभन्दा धेरै सवारी साधनहरू परिचालन गरेको प्रवक्ता राईले बताए ।
उनका अनुसार आवश्यकताका आधारमा ती सवारी ७७ वटै जिल्लामा वितरण गरिएको छ ।
प्रहरीले यसपालि सञ्चारका साधन खरिद नगरेर भएका सञ्चार सेटबाट र निर्वाचनमा खटिएका कमान्डरको मोबाइलबाट सूचना आदानप्रदान गर्न लागेको छ ।
‘हामीले अहिले निर्वाचनमा खटिएका कमान्डारको मोबाइलमा पैसा राखेर सूचना तथा सञ्चारका लागि व्यवस्था गरेका छौं,’ प्रवक्ता राईले लोकान्तरसँग भने ।
उनका अनुसार मोबाइल नलाग्ने विकट क्षेत्रमा प्रहरीसँग भएको वाकीटकी र स्याटेलाइट मोबाइलको प्रयोग गरेर सञ्चार आदानप्रदान गर्न लागिएको छ ।
प्रहरीसँग अहिले ३२ वटा स्याटेलाइट फोन रहेको र ती सबै प्रयोग गरेको प्रवक्ता राईले बताए । प्रहरीले यसपालि पनि निर्वाचनमा आवश्यक पर्ने हतियार नेपाली सेनाबाट सापटी लिएर काम चलाएको छ ।
निर्वाचनमा खटिने अधिकृतहरूका लागि साना हतियार अपुग हुने भएपछि सेनासँग बालगिरी (काम सकिएपछि फिर्ता हुने गरी) लिएर काम चलाइएको हो ।
स्थानीय तह निर्वाचनमा प्रहरीले हतियार सापटी लिएर काम चलाएको थियो । प्रहरीले लामो समयदेखि हतियार खरिद गर्न सकेको छैन । हतियार खरिदमा विवाद आएपछि खरिद प्रक्रिया रोकिएको थियो ।
प्रहरी प्रधान कार्यालयले गृह मन्त्रालयमार्फत सेनासँग निर्वाचन अवधिभर ४० दिनका लागि हतियार मागेको थियो । सेनाले झन्डै २ हजार ५ सय साना हतियार उपलब्ध गराएको छ ।
यस्तै सशस्त्र प्रहरी पनि निर्वाचन सुरक्षाका लागि खटिएको छ ।
निर्वाचन सुरक्षाको दोस्रो घेरामा रहेको सशस्त्र प्रहरीले निर्वाचनका लागि ३४ हजार ८३८ जना खटाएको सशस्त्रका प्रवक्ता वरिष्ठ प्रहरी उपरीक्षक (एसएसपी) पुरुषोत्तम थापाले बताए ।
‘हामीले सबै प्रक्रिया पूरा गरेर डिप्लोएड गरिसकेका छौं,’ प्रवक्ता थापाले लोकान्तरसँग भने ।
सशस्त्रले ७७ वटै जिल्लामा निर्वाचन सुरक्षाका लागि सशस्त्र प्रहरी नायब उपरीक्षक (डीएसपी)को कमान्डमा प्रहरी परिचालन गरेको छ ।
निर्वाचनका लागि छुट्ट्याएको बजेटबाट ६० वटा खरिद, ४० वटा अनुदान र १ हजार १७१ वटा भाडामा लिएर सवारी साधन परिचालन गरेको प्रवक्ता थापाले बताए ।
सशस्त्र प्रहरीले निर्वाचन अवधिका लागि नेपाल–भारत र नेपाल–चीनका सीमा नाकाहरूमा आवतजावत बन्द गर्ने काममा पनि सहजीकरण गरिरहेको छ ।
निर्वाचनको सुरक्षालाई मध्यनजर गरेर ७२ घण्टाका लागि नाका बन्द गरेको प्रवक्ता थापाले बताए । ‘हामीले अत्यावश्यक बिरामीबाहेक अन्यलाई सीमा नाकाबाट आउजाउ गर्न दिएका छैनौं,’ प्रवक्ता थापाले भने ।
उनका अनुसार बिरामी भएका व्यक्तिहरू पनि अनुमति लिएर मात्र नेपाल प्रवेश र नेपालबाट बाहिर जान पाउने छन् । अन्यलाई भने रोक लगाइएको छ ।
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...