नेपाली कांग्रेसका महामन्त्री तथा पूर्व मन्त्री गगनकुमार थापाले आर्थिक विकासका लागि र मुलुकको हितमा राजनीतिक नेतृत्व र सरकार लाग्नुपर्ने बताएका छन् ।

थापाले भने, ‘म निजी क्षेत्रसँग अँध्यारो कोठामा बस्दिनँ, खुला र पारदर्शी रूपमा काम गर्छु ।’

थापाले आफू आर्थिक क्षेत्रको सुधारमा लाग्ने र अब आउने सरकारले विशेष पहल गर्नुपर्ने बताए । नेपाल आर्थिक पत्रकार समाजले आयोजना गरेको कार्यक्रममा थापाले भने, ‘वृद्धभत्ता वितरणमा मात्रै प्रतिस्पर्धा भयो । वितरणलाई राज्यको सामर्थ्यसँग जोडेर हेर्नुपर्छ ।’

पूर्व अर्थमन्त्री विष्णु पौडेलले निजी क्षेत्रले सिंहदरबारमा मिडियासँग बस्नुपर्ने र निजी क्षेत्रसँग सहकार्य गर्नुपर्ने बताए । ‘मैले अर्थमन्त्री हुँदा निजी क्षेत्रसँग सहकार्यको शुरूआत गरेको छु र खुला बहस पनि गर्नुपर्छ,’ उनले भने ।