पछिल्लो राजनीतिक घटनाक्रम र सरकारमा सहभागिताबारे छलफल गर्न नेकपा एकीकृत समाजवादीको पोलिटब्युरो बैठक शुरु भएको छ । 

तीनकुनेस्थित पार्टी कार्यालयमा सोमवार बिहान शुरु भएको बैठकमा पछिल्लो राजनीतिक घटनाक्रममा बारेका छलफल हुने बताइएको छ । नेपाली कांग्रेससहितको गठबन्धन भत्किएर नयाँ बनेको गठबन्धनमा सहभागी हुने वा नहुने बारेमा बैठकमा छलफल हुने एक नेताले बताए । 

यसअघि शनिवार र आइतवार बसेको केन्द्रीय समिति बैठकमा बोल्ने अधिकांश सदस्यले वर्तमान गठबन्धन र सरकारमा सहभागी हुनुपर्ने धारणा राखेका थिए । उनीहरूले प्रधानमन्त्री पुष्पकमल दाहाल ‘प्रचण्ड’ले औपचारिक रूपमा सरकारमा सहभागी हुन आह्वान गरेमा स्वीकार गर्नुपर्ने धारणा राखेका थिए । 

केन्द्रीय समितिमा भएका छलफलमा विषयमा पनि पार्टीको ठोस धारणा पोलिटब्युरो बैठकले तय गर्ने बताइएको छ ।