कीर्तिपुर नगरपालिका-६ चोभारस्थित जलविनायक पुल नजिकै बागमती नदीको किनारमा कार खसेर बेपत्ता भएका राजकुमार खत्रीको सशस्त्र प्रहरीको गोताखोर टोलीले फेला पारेको छ। 

सशस्त्र प्रहरी बल नेपाल नम्बर १८ निलबाराही गण, नम्बर २० विपद् उद्धार गण काठमाडौंबाट गोताखोरसहितको टोलीले खत्रीको शव दुर्घटनास्थलबाट करीब १ सय मिटर तल फेला पारेको हो । 

माघ २ गते उक्त ठाउँमा बा५च ५६५४ को सिलभर रङको कार नदी किनारमा खसेको थियो । दुर्घटनामा कारमा सवार काठमाडौं जिल्ला दक्षिणकाली नगरपालिका-१ बस्ने अन्दाजी ४० वर्षका खत्री बेपता भएका थिए।

दुर्घटनामा अन्दाजी ४० वर्षीया अम्बिका लामिछाने घाइते भएकी थिइन् ।

सशस्त्र प्रहरीले उनको शव नेपाल प्रहरीलाई बुझाएको छ ।