स्याङ्जामा बिहीबार हेलिकप्टरका एक पाइलटमाथि हातपात भएको छ । बिहीबार दिउँसो पोखराबाट साइटसिनका लागि भन्दै स्याङ्जा पुगेको प्रभु एयरको हेलिकप्टर वालिङ नगरपालिकास्थित फुटबल चलिरहेको मैदानमा अवतरण गरेसँगै चालकमाथि हातपात भएको हो ।  

दिउँसो २ बजेर ३५ मिनेटमा हेलिकप्टर अवतरण भएसँगै त्यहाँ उपस्थित केही व्यक्तिले किन खेल भइरहेको मैदानमा हेलिकप्टर ल्याण्ड गराएको प्रति आक्रोश पोख्दै पाइलट रमेश डंगोलमाथि हातपात गरेको प्रहरीले जनाएको छ । 
पाइलटमाथि हातपात भएपछि ५ मिनेटमै हेलिकप्टर त्यहाँबाट पोखरा फर्किएको जिल्ला प्रहरी कार्यालय स्याङ्जाका डीएसपी रवीन्द्र खनालले जानकारी दिए । उनले घटनाबारे जानकारी प्राप्त भएसँगै अनुसन्धान सुरु गरिएको जानकारी दिए ।