दर्शकहरुले निकै रुचाउँदै आएको हास्य टेलिसिरियल ‘सक्किगोनि’को प्रसारण अनिश्चित देखिएको छ ।

तीन साता अघिदेखि यस लोकप्रिय टेलिसिरियलको प्रसारण रोकिएको छ ।

१०० औं भाग प्रसारण भएपछि रोकिएको टेलिसिरियल अब कहिलेदेखि प्रसारणमा आउँछ भन्ने अनिश्चित देखिएको हो । 

टेलिसिरियलका कलाकार एवं निर्देशक अर्जुन घिमिरे ‘पाँडे’ले टेलिसिरियल कहिलेदेखि प्रसारणमा आउँछ आफूले यसै भन्न नसक्ने बताए । 

‘त्यसबारे टिममा छलफल नै गर्न पाएका छैनौं । कहिलेदेखि प्रसारणमा आउँछ अहिले केही भन्न सक्दिन्’ उनले आइतवार लोकान्तसँग भने ।

तेस्रो सिजनको तयारीका लागि प्रसारण रोकेको निर्माण टिमले बताएको थियो । 

हरेक बिहीवार राती हिमालय टेलिभिजनबाट टेलिसिरियल प्रसारण हुँदै आएको थियो । निर्देशक एवं कलाकार घिमिरेले रोकिएको टेलिसिरियल प्रसारणबारे टेलिभिजन व्यवस्थापनसँग पनि छलफल नभएकाले अझै केही साता लाग्नसक्ने बताए । 

जेपीटी क्रिएसनको प्रस्तुति रहेको ‘सक्किगोनि’लाई घिमिरे र कुमार कट्टेल ‘जिग्री’ संयुक्त रुपमा लेखन एवं निर्देशन गर्दै आइरहेका थिए ।

घिमिरे र कट्टेलसँगै सागर लम्साल, हरि निरौला, गोविन्द कोइराला, मधुसुदन पाठक, कमलमणि नेपाल, दीपक आचार्य, सञ्जिता पाण्डे, कविराज भाम, रश्मी पाण्डे, प्रियना आचार्य, सितादेवी घिमिरे लगायतका कलाकारहरूले टेलिसिरियलमा अभिनय गर्दै आएका थिए ।

टेलिसिरियलको पछिल्लो भाग :