नक्कली प्रमाणपत्र मुद्दामा पूर्वन्यायाधीश ओमकार उपाध्यायलाई विशेष अदालतको जरिवाना

पूर्वन्यायाधीश ओमकार उपाध्यायलाई विशेष अदालतले नक्कली प्रमाणपत्र मुद्दामा जरिवाना गरिेको छ।

उनलाई दोषी करार गर्दै तीन हजार रुपैयाँ जरिवानाको सजाय सुनाएको प्रवक्ता दीपेन्द्रनाथ योगीले जानकारी दिए। 

तनहुँ जिल्ला अदालतलमा न्यायाधीश रहँदा उपाध्यायविरूद्ध न्याय परिषदमा शैक्षिक प्रमाणपत्रको विषयमा उजुरी परेको थियो।

विशेष अदालतका सदस्यहरू यमुना भट्टराई, बलभद्र बाँस्तोला र डा खुसीप्रसाद थारूको इजलासले आज बिहीबार उपाध्यायको नक्कली प्रमाणपत्रसम्बन्धी मुद्दामा फैसला दिएको प्रवक्ता योगीले बताए।

योगीकाअनुसार उपाध्यायलाई भ्रष्टाचार निवारण ऐनको दफा १२ र दफा २९ को उपदफा २ अनुसार ३ हजार रुपैयाँ जरिवाना गरिएको हो।  

उपाध्यायाले​ भारतबाट स्नातक तहको सर्टिफिकेट ल्याएको र उक्त सर्टिफिकेटकै आधारमा सेवा प्रवेश गरेका योगीले बताए। 

२०५० सालमा शाखा अधिकृतबाट सेवा प्रवेश गरेका उनको सर्टिफिकेटबारे न्यायपरिषदमा समेत छानबिन भएको थियो। 

नेपालमा पनि उनले बीएलसम्मको अध्ययन गरेका तर भारतबाट ल्याएको सर्टिफिकेटले जागिर प्रवेश गरेको देखिएको योगीले बताए। 

पढ्नुहोस् यो पनि 

‘हत्यारा’ छुटाउन एकै दिन दुई आदेश, न्यायाधीश उपाध्याय विवादमा [लोकान्तर खोज]