आईसीसी क्रिकेट विश्वकप लिग टुअन्तर्गत यूएईविरुद्धको निर्णायक खेलमा नेपालले पाँचौँ सफलता हात पारेको छ । 

दीपेन्द्र सिंह ऐरीले यूएईका युवा ब्याट्सम्यान रोहन मुस्तफालाई एलबी डब्ल्यू धरापमा पारेका हुन्। मुस्तफा ३२ बलमा २० रन बनाएर आउट भए। यस क्रममा उनले ३ वटा चौका प्रहार गरे।  

योसँगै ऐरीले २ विकेट लिएका छन्। 

यसअघि पनि ऐरीले यूएईका युवा ब्याट्सम्यान आयान खानलाई गुल्सन झाको हातबाट क्याच गराएका थिए। 

त्यस्तै रिजवान सीपी रनआउट भएका थिए भने क्याप्टेन मोहम्मद वासिमलाई सन्दीप लामिछानेले एलबीडब्लु धरापमा पारेका थिए । ​शुरूआती विकेटका रूपमा ललित राजवंशीले आर्यन लाक्रालाई बोल्ड गरेका थिए ।

यो खेल जितेमा नेपाल सिधै विश्वकप छनोटमा स्थान बनाउन सफल हुनेछ ।