प्रधानमन्त्री र मन्त्रीलाई संसदमा उपस्थितिका लागि रुलिङ गर्न सभामुखसँग एमालेको माग

प्रमुख प्रतिपक्षी दल नेकपा एमालेले प्रधानमन्त्री र मन्त्रीहरूले संसदको बैठकलाई चरम बेवास्ता गरेको भन्दै मन्त्रीहरूलाई संसदमा उपस्थित गराउन रुलिङ गर्न सभामुखसँग आग्रह गरेका छन् ।

बुधवार बसेको प्रतिनिधि सभा बैठकको शुरूमै सभामुखसँग समय लिएर एमालेका रघुजी पन्तले मन्त्रीको व्यस्तता देखाउँदै संसदको कार्यसूची फेरिएकोमा आपत्ति जनाएका हुन् ।

‘प्रधानमन्त्रीजी आउनुहुन्छ, प्रतिपक्षले प्रश्न सोध्छ कि भनेर पक्षका सांसदले लुकाउन लैजाने गर्छन् । यो सरकारका प्रधामनन्त्री र मन्त्रीले संसदको गरिमा बढाउन काम गरेका छन् कि घटाउन ?’ सांसद पन्तले प्रश्न गरे, ‘नेकपा माओवादी केन्द्रले संसदीय व्यवस्था स्वीकार नगरेका कारण संसदको गरिमा घटनाउन खोजिएको हो ? हामी सांसदलेले नगरेको गल्तीको अवगाल पाउनुभएन । संसदको गरिमा कायम गर्न सभामुखबाट रुलिङ होस भन्ने माग गर्दछु ।’