सर्वोच्च अदालतको संवैधानिक इजलासले किसानले गाँजा खेती किन गर्न नपाउने भनी सरकारको नाममा कारण देखाऊ आदेश जारी गरेको छ। 

किसानले गाँजा खेती गर्न पाउनुपर्ने भन्दै शिव खड्का,अच्युत गौतम,सनिश भण्डारी,शिशिर पोखरेल समेतले दिएको निवेदनमाथि बुधवार संवैधानिक इजलासमा सुनुवाइ भएको हो। 

कायम मुकायम प्रधानन्यायाधीश हरिकृष्ण कार्की, ईश्वरप्रसाद खतिवडा, आनन्द मोहन भट्टराई, अनिल कुमार सिन्हा र प्रकाशमान सिंह राउतको संवैधानिक इजलासले उक्त आदेश गरेको हो। 

अधिवक्ताहरू किशोर सापकोटा, रामहरि नेपाल, रामहरि लोहनी, उद्धव कुमार कार्की र विराज थापाले गरेको बहसपछि संवैधानिक इजलासले उक्त आदेश गरेको हो।