कायममुकायम प्रधानन्यायाधीश हरिकृष्ण कार्कीले जनप्रतिनिधिहरूको भूमिकाबाट न्याय सम्पादन गर्दा पूर्वाग्रह राखेर फैसला गर्नु नहुने बताएका छन् । 
बिहीवार काठमाडौं महानगरको कार्यक्रममा बोल्दै उनले न्यायिक सम्मेलनमा रहेर न्याय सम्पादन गर्दा जनप्रतिनिधि हुँ भन्नेकुरा बिर्सिएर न्याय सम्पादन गर्नुपर्ने बताए । उनले न्याय सम्पादन गर्दा मेरो पार्टी यो हो भन्ने हिसावबाट गरिए न्याय पूर्वाग्रही हुने बताए । उनले पूर्वाग्रह भएको ठाउँमा न्याय हुन नसक्ने पनि बताए । 

कार्कीले न्याय दिनको लागि स्वच्छ र खुला दिमागले निर्णय लिनुपर्ने बताए । ‘स्थानीय जनप्रतिनिधिहरुको भुमिका न्यायिक समितिको एउटा न्यायाधीश मात्रै नभएर तपाईहरुको भुमिका जनप्रतिनिधिको हुनुपर्छ । त्यसैले जनप्रतिनिधिहरुको भुमिकाबाट पनि न्याय नै फैसला नै गर्नुप¥यो भने फेरि जनप्रतिनिधि हुँ भन्ने बिर्सिनुपर्छ’, उनले भने, ‘म यो पार्टीबाट निर्वाचित भएको हुँ भन्नेकुरा बिर्सिनुपर्छ । यदी म यो पार्टीबाट निर्वाचित भएको हुँ भन्नेकुरा दिमागमा राखेर मनमा राखेर फैसला गर्नुभयो भने त्यो न्याय पर्दैन । त्यहाँ पूर्वाग्रह हुन्छ । जहाँ पूर्वाग्रह हुन्छ त्यहाँ न्याय हुँदैन । ’

कार्कीले मेलमिलाप कायम गरेर अघि बढ्नसके सबैले साथ दिने बताए ।