काठमाडौं महानगरपालिकाका मेयर बालेन्द्र शाहले काठमाडौंको हितमा काम नगरे सिंहदरबार नै अरू पालिकामा सार्न चेतावनी दिएका छन् । 

यसअघि देशकै प्रशासनिक केन्द्र सिंहदरबारको फोहोर नउठाउने घोषणा गरेका बालेनले फेरि अर्को चेतावनी दिएका हुन् ।  

‘कि काठमाडौंको हितमा काम गर्नुहोस्, कि सिंहदरबार अरू पालिकामा सार्नुहोस्’ उनले सामाजिक सञ्जालमा लेखेका छन्, ‘हामी काठमाडौं बासीलाई कुनै आपत्ति छैन, चाहे सिंहदरबार सार्नुस् कि राजधानी सार्नुस् । हामीलाई हाम्रो सम्पदा, संस्कृति , कला, सभ्यता चाहिन्छ, राजनीति हैन ।’ 

सिंहदबारको फोहर नउठाउने उनको अडानपछि मन्त्रिपरिषद् बैठकले जिम्मेवार बन्न उनलाई मंगलरबार सचेत गराएको थियो ।