थप उपचारका लागि भारतको नयाँदिल्ली जान लागेका राष्ट्रपति रामचन्द्र पौडेलसँगै श्रीमती, छोरा, नाति, चिकित्सक र सुरक्षाकर्मी पनि जाने भएका छन् ।

त्रिभुवन विश्वविद्यालय शिक्षण अस्पतालमा उपचाररत राष्ट्रपति पौडेललाई थप उपचारका लागि बुधवार बिहान साढे ९ बजे श्री एयरलाइन्सको विमानमार्फत नयाँदिल्ली लगिँदैछ ।

पौडेललाई थप उपचारका लागि नयाँदिल्लीस्थित एम्स अस्पताल लगिँदैछ । राष्ट्रपति पौडेलका राजनीतिक सल्लाहकार सुनिल थापाले राष्ट्रपतिसँग श्रीमती, छोरा, डाक्टर नाति, चिकित्सकहरू र सुरक्षाकर्मी पनि भारत जाने जानकारी दिए ।