नेपाली कांग्रेसका महामन्त्री गगनकुमार थापाले ‘अयोग्य’ लडाकुलाई रकम बाँड्ने सरकारी निर्णयको विरोध गरेका छन् ।

बिहीवार साँझ सामाजिक सञ्जाल ट्विटरमा लेख्दै थापाले राज्यकोषमा स्रोतको व्यापक दबाब परेको बेला रकम बाँड्ने निर्णय रोक्नुपर्ने बताए ।

उनले लेखेका छन्, ‘राज्यकोषमा स्रोतको व्यापक दबाब परेको यो समयमा राज्यकोषबाट ठूलो रकम अयोग्य लडाकुलाई बाँड्ने सरकारको निर्णय गलत छ, रोक्नुपर्छ । संक्रमणकालीन न्याय सम्बन्धी विधेयक विचाराधीन रहेकाले सरकार रकम बाँड्न होइन, पीडितमैत्री कानून बनाई संक्रमणकालीन न्यायको कामलाई शीघ्र टुंग्याउन केन्द्रित होस् ।’