नेकपा एमालेले केन्द्रीय कमिटीको बैठकको एजेन्डा तय गर्न सचिवालयको बैठक बोलाएको छ ।

एमाले प्रचार विभागका उपप्रमुख विष्णु रिजालका अनुसार वैशाख २६ मा सचिवालय बैठक बस्न लागेको हो । 

‘झापामा हामीले २८ देखि ३० वैशाखसम्म केन्द्रीय कमिटीको बैठक गर्दैछौँ । यसकै एजेन्डा तय गर्न २६ वैशाखमा सचिवालयको बैठक बोलाइएको हो’ रिजालले लोकान्तरसँग भने, ‘मिसन ग्रासरुट अभियानको समीक्षा, समसामयिक राजनीतिक विषयसहित विषय एजेन्डा बन्न सक्ने देखिन्छ । तर सचिवालयले एजेन्डा तय गर्छ ।’

फरक भूगोलमा बैठक गरौँ भन्ने सन्देशका लागि केन्द्रीय कमिटी बैठक झापामा बोलाइएको जानकारी उनले दिए । 

एमालेको सचिवालयमा १९ जना पदाधिकारी रहने व्यवस्था छ ।