पूर्व प्रधानमन्त्री डा. बाबुराम भट्टराईले अदालत र न्यायाधीशले पुराना सोच राखेर अपराधको परिभाषा गर्ने गरेको टिप्पणी गरेका छन् ।

टीकापुर घटनाका मुख्य अभियुक्त रेशम चौधरीलाई दोषी ठहर गर्ने उच्च अदालत दिपायलको फैसलालाई नै सर्वाेच्च अदालतले सदर गरिदिएपछि डा. भट्टराईको यस्तो टिप्पणी आएको हो ।

सामाजिक सञ्जाल ट्विटरमा लेख्दै डा. भट्टराईले रेशम क्रान्तिकारी भएको बताएका छन् ।

उनले लेखेका छन्, ‘अदालत र न्यायाधीशले पुराना/विद्यमान कानून, नजीर, सोच राखेर ‘अपराध’को परिभाषा गर्छन् र ‘अपराधी’लाई दण्ड सुनाउँछन् । क्रान्तिकारीले पुरानो/विद्यमानसँग विद्रोह गरेर नयाँ/भविष्यमुखी सोच/मान्यता/विधि स्थापित गर्न खोज्छन् । इतिहासमा यो अन्तरविरोध निरन्तर चलिरहेको छ र चलिरहनेछ । रेशम चौधरी क्रान्तिकारी हुन् । सलाम !’