नेपाली काँग्रेसका सांसद प्रदीप पौडेलले सभामुखले बैठक सञ्चालनको सन्दर्भमा कसैको आग्रह र दबाबलाई स्वीकार्ने परिस्थितिलाई सच्याउनुपर्ने बताएका छन् । 

सोमवार प्रतिनिधि सभा बैठकपछि सञ्चारकर्मीहरुसँग कुराकानी गर्दै उनले संसद बैठकको प्रक्रियामा धेरै ठूलो प्रश्न जन्मिएको बताए । 
उनले सभामुखले कसैको आग्रह र दबाबलाई स्वीकार्नुपर्ने परिस्थिति बनेको भन्दै यसलाई सच्याउनुपर्ने बताए । प्रश्न सोधिएकै दिन प्रधानमन्त्रीलाई स्पष्टिकरण दिन दिनुपर्ने भन्दै तिन दिन बिना अर्थमा संसद बन्द गरिएको पौडेलको भनाइ छ । 

उनले भने, ‘प्रश्न जुन दिन सोधिएको थियो । त्यही दिन स्पष्टिकरणको मौका दिनुपथ्र्यो । यो संसदीय अभ्यास असाध्यै गलत भइरहेको छ । जर्बजस्ती पेल्ने, आफ्नो संख्या देखाएर संसद निरन्तर रुपमा चल्न नदिने जुन खालको परिस्थिति छ, यो अन्त्य हुनुपर्छ । प्रधानमन्त्रीले जुन दिन प्रश्न उठेको थियो, त्यही दिन जवाफ दिनुपथ्र्यो । स्पष्टिकरण दिनुपथ्र्यो । यो तिन दिन बिना अर्थ संसद बन्द गरियो ।  यसले संसद चल्ने प्रक्रियामा धेरै ठुलो प्रश्न जन्माएको छ । सभामुखले यसको प्रक्रियालाई अगाडी लानु भन्दापनि कसैको आग्रहलाई, कसैको दबाबलाई स्वीकार्ने जुन परिस्थिति भएको छ, यसलाई सच्याउनुपर्छ ।’ 

उनले एमालेले प्रधानमन्त्रीलाई सोधेको प्रश्नको चित्तबुझ्दो जवाफ के आयो भनि प्रश्न समेत गरे ।