मनाङ एयरको हेलिकप्टर दुर्घटना घटनाबारे सरकारले छानबिन समिति गठन गरेको छ । 

मंगलवार बसेको मन्त्रिपरिषद् बैठकले हेलिकप्टर दुर्घटना घटनाबारे छानबिन गर्न पर्यटन मन्त्रालयका सहसचिव बुद्धिसागर लामिछानेको नेतृत्वमा छानबिन समिति गठन गरेको सञ्चार तथा सूचना प्रविधिमन्त्री रेखा शर्माले जानकारी दिइन् ।

बैठकले घटनाप्रति दुःख व्यक्त गर्दै मृतकहरूप्रति श्रद्धाञ्जलि अर्पण गरेको छ ।

मनाङ एयरको हेलिकप्टर सोलुखुम्बुको लिखुपिकेमा दुर्घटना हुँदा १ नेपाली पाइलट र मेक्सिकोका नागरिकको मृत्यु भएको छ ।