सेजनको अध्यक्षमा सुजन ओली निर्वाचित

 नेपाल आर्थिक पत्रकार समाज (सेजन)को अध्यक्षमा सुजन ओली निर्वाचित भएका छन् । 

सेजनको आज सप्पन्न २५औँ वार्षिक साधारणसभा तथा अधिवेशनबाट ओलीको नेतृत्वमा नयाँ कार्यसमिति निर्वाचित भएको हो ।

अध्यक्ष ओलीले ९९ मत ल्याए । उनका प्रतिद्वन्द्वी सिरोमनि ढुङ्गानाले ९६ मत ल्याए  ।

यसैगरी सेजनको उपाध्यक्षमा विनय बन्जरा निर्वाचित भए ।   महासचिवमा विश्वास रेग्मी यसअघि नै निर्विरोध निर्वाचित भइसकेका छन् । सचिवमा सोभित थपलिया र कोषध्यमा अच्युत पुरी निर्वाचित भएका छन् । 

सदस्यमा केशु लामिछाने, हेमराज जोशी, वसन्तराज उप्रेती, ममता थापा र छवि सापकोटा निर्वाचित भएका छन् । निर्वाचनमा कुल दुई सय ७१ मतमध्ये दुई सय ५२ मत खसेको थियो ।