कात्तिक १८, २०८०
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
काठमाडाैं | मंसिर १०, २०८०
वर्तमान व्यवस्थाविरुद्ध असन्तुष्टि बढेको भनिएकै बेला गत बिहीबार मेडिकल व्यवसायी समेत रहेका राष्ट्र, राष्ट्रियता, धर्म, संस्कृति र नागरिक बचाउ अभियानका संयोजक दुर्गा प्रसाईंले काठमाडौँमा प्रदर्शन गरे । उक्त प्रदर्शनका क्रममा कैयन राजावादीको पनि सहभागिता थियो । शनिबारसम्म प्रसाईंले प्रदर्शन जारी राखेपनि पूर्वराजा ज्ञानेन्द्र शाह भने मौन छन् ।
प्रसाईंले सार्वजनिक रुपमै पूर्वराजाको समर्थनको अपेक्षा गरेपनि पूर्वराजाले भने मौनता मात्रै साँधेका छैनन् राजावादीहरुको अर्को त्यस्तै कार्यक्रममा पुगेर अर्थपूर्ण सन्देश दिए ।
शनिबार झापाको बिर्तामोडमा आयोजित पृथ्वीनारायण शाहको शालिक अनावरण कार्यक्रममा सहभागी भएका पूर्वराजाले समर्थकलाई कुनै सम्बोधन गरेनन् । हजारौँको सहभागितामा उक्त कार्यक्रम भएको र राजावादीहरुले वर्तमान व्यवस्थाका विषयमा केही बेल्ने अपेक्षा गरेपनि त्यसविपरीत पूर्वराजाले केही नबोलेका हुन् । बेलाबेलामा दलहरुको क्रियाकलापप्रति असन्तुष्टि जनाउँदै विज्ञप्ति जारी गरेर खलबल मच्चाउने गरेका पूर्वराजा आफू पक्षधरहरु सडकमा आइसक्दा पनि रहस्यमय ढंगले मौन भएका हुन् ।
कतिपयले अहिलेनै राजतन्त्र फर्किने आधार तय नभइसकेको तथा राजावादी शक्तिहरुनै पनि एकीकृत भइनसकेकाले पूर्वराजा नखुलेको विश्लेषण गरेका छन् । साथसाथै दुर्गा प्रसाईंको आन्दोलनप्रति पूर्वराजाको विश्वास नरहेको रुपमा पनि हेरिएको छ । प्रसाईंले काठमाडौँमा आन्दोलन गरिरहँदा उनले कुनै प्रतिक्रिया नजनाउनु र एकाएक झापा पुगेर उनले एकखालको सन्देश दिएको राजावादीहरुको बुझाइ छ ।
राप्रपाले झापामा शनिबार भएको कार्यक्रमलाई आफ्नो शक्ति प्रदर्शनको रुपमा प्रचार गरेको थियो । जसअनुसार राप्रपाले पूर्वराजा आफ्नो पक्षमा रहेको सन्देश दिन समेत खोजेको देखिन्छ । उसो त प्रसाईंको आन्दोलनमा राप्रपाले औपचारिक रुपमा निर्णय गरेर साथ दिएको छैन भने अनौपचारिक रुपमा दुर्गा प्रसाईंको आन्दोलनमा विश्वस्त हुने आधार नरहेको बताउने गरेको छ । संसदमा प्रतिनिधित्व गर्ने दल समेत भएपनि प्रसाईंले आफ्नो दलभित्र खेल्न खोजेको तर औपचारिक रुपमा सहकार्यको प्रस्ताव समेत नगरेको राप्रपाका नेताहरु बताउँछन् ।
यस्तो पृष्ठभूमिमा शनिबारको झापाको प्रदर्शन प्रसाईंलाई जवाफ दिने राप्रपाको रणनीतिक कार्यक्रम समेत भएको बताइएको छ । पूर्वराजा ज्ञानेन्द्र शाहले राजतन्त्र फर्काउन सकिन्छ कि भनेर भित्रभित्रै लबिइङ गर्दै आएका छन् । तर, अहिले गणतन्त्र विरोधी केही आवाज सुनिएपनि राजतन्त्र नै फर्किने आधार नबनिसकेकाले हतारमा बोल्न ठीक नहुने बुझाइमा उनी रहेका छन् । जुन कुरालाई पूर्वराजाका निकटस्थहरुले पनि स्वीकार गरेका छन् । पूर्वराजासम्बन्धी यो प्रसंगसहित ‘लोकान्तर राउण्ड अप’मा पाठकवृन्दलाई स्वागत छ । सधैँझैँ आज पनि हामी बितेको २४ घण्टाका मुख्यमुख्य घटनाक्रमसहित उपस्थित भएका छौँ–
००००
नेकपा एकीकृत समाजवादीका अध्यक्ष माधवकुमार नेपालले वर्तमान समयमा देखिएका अराजकताको अन्त्य गर्न समाजवादी मोर्चा र सत्ता गठबन्धनबीच सहकार्य हुनुपर्ने बताएका छन्।
पार्टीको बागमती प्रदेश कमिटीद्वारा आयोजित प्रशिक्षण कार्यक्रम अध्यक्ष नेपालले मुलुकमा अहिले अतिवादी कुरा गरेर अराजकता मच्चाउन खोज्नेबाट देखिएका भ्रम न्यूनीकरण गर्न मोर्चा र गठबन्धनकाबीच समन्वय गरी जनतालाई यथार्थ विषय बताउन सभा, सम्मेलन गर्नुपर्ने बताए ।
००००
नेपाली कांग्रेसका महामन्त्री गगन थापाले हार्ने डरले चुनाव अघि गरिने गठबन्धन राजनीतिक भ्रष्टाचार भएको बताएका छन् ।
नेपाली कांग्रेस गुल्मीको दोस्रो जिल्ला सम्मेलनलाई तम्घासमा सम्बोधन गर्दै अब हारेर चकटीमा बस्न तयार भएकाले कुनै हालतमा कांग्रेसले चुनावी गठबन्धन गर्न नहुनेमा जोड दिए । राजनीतिक, आर्थिक र नैतिक गरेर मुख्य तीन संकल्पका साथ कांग्रेस अगाडि बढ्नुपर्ने उल्लेख गर्दै थापाले आर्थिक अपचलन र नैतिक पतन भएकाहरू पार्टीमा नसुहाउने बताए ।
००००
‘राष्ट्र, राष्ट्रियता, धर्म(संस्कृति र नागरिक बचाऊ’अभियानका अध्यक्ष दुर्गा प्रसाईंले राजतन्त्र पुनस्र्थापना गर्न नेताहरूले बाध्य बनाएको बताएका छन् ।
काठमाडौंको सिफलमा शनिवार भएको कार्यक्रमलाई सम्बोधन गर्दै उनले यस्तो बताएका हुन् । ‘हिजो राजा हामीले नै खेदेको हो । तर आज प्रचण्ड, शेरबहादुर र केपी ओलीले राजा सम्झन बाध्य बनाए उनले भने । उनले आफ्नो आन्दोलनमा काठमाडौँबासीले साथ नदिएको भन्दै गुनासो समेत गरे ।
००००
लैङ्गिक हिंसाका घटनामध्ये ८० प्रतिशत घरेलु हिंसाका घटना हुने गरेको पाइएको छ । प्रहरी प्रधान कार्यालयका अनुसार घरेलु हिंसाभित्र पनि शारीरिक हिंसा ५३ प्रतिशत छ भने मानसिक हिंसाका घटना ४७ प्रतिशत रहेको छ ।
शनिबारदेखि सुरु भएको लैङ्गिक हिंसाविरुद्धको १६ दिने अभियानका क्रममा प्रहरीले सार्वजनिक गरेको तथ्याङ्कअनुसार प्रहरीमा दर्ता भएका मुद्दालाई विष्लेषण गर्दा ८९ प्रतिशत चिनजानका मानिसबाटै महिला तथा बालिालिका हिंसामा पर्ने गरेका छन् ।
००००
उदयपुरमा स्कूल बस दुर्घटना हुँदा शनिबार ३ जनाको मृत्यु भएको छ । अन्य ३९ जना घाइते भएका छन्।
०००००
प्रतिस्थापन बजेट विधेयक कोशी प्रदेशसभामा पेश भएको छ ।
बैठकमा ‘कोशी प्रदेश आर्थिक अध्यादेश, २०८०’ लाई प्रतिस्थापन गर्न बनेको ‘कोशी प्रदेश सरकारको अर्थसम्बन्धी प्रस्तावलाई कार्यान्वयन गर्न बनेको विधेयक, २०८०’ र ‘कोशी प्रदेश विनियोजन अध्यादेश, २०८०’ लाई प्रतिस्थापन गर्न बनेको ‘आर्थिक वर्ष २०८०–८१ को सेवा र कार्यका लागि प्रदेश सञ्चित कोषबाट केही रकम विनियोजन र खर्च गर्ने सम्बन्धमा व्यवस्था गर्न बनेको विधेयक, २०८०’ शनिबार पेश भएको हो ।
००००
रतको पिथौरागढमा नेपाल–भारत संयुक्त सैन्य अभ्यास शुरू भएको छ । शुक्रवारबाट नेपाली सेना र भारतीय सेनाको संयुक्त अभ्यास ‘सूर्यकिरण’को १७औं संस्करणमा नेपाली सेनाको तारा दल गणका प्रमुख सेनानी सुवास केसीको नेतृत्वमा ३ सय ५४ सदस्यीय फौज र भारतीय सेनाको कुमाउ गणका ३ सय ५४ जना सहभागी छन् ।
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
कानूनअनुसार असार १ प्रदेश सरकारले आ–आफ्नो सभामा बजेट प्रस्तुत गर्ने दिन हो । नेपालको संविधान र कानूनले बजेट प्रस्तुत गर्ने समय तोकिदिएको छ । यसरी बजेट प्रस्तुत गर्ने दिन नै तोक्नुका २ कारण छन् । पहिलो, तह...
अढाइ वर्षअघि नेपाली कांग्रेसको १४औं महाधिवेशन नेतृत्व मात्र चयन गरी ६ महिनाभित्र नीति महाधिवेशन आयोजना गर्ने र आवश्यक निर्णय लिने निष्कर्षमा पुगेको थियो । तत्पश्चात् निकै लामो समय पार्टीभित्र र बाहिर नीति महाधिवे...
गण्डकी प्रदेशका मुख्यमन्त्री सुरेन्द्रराज पाण्डेले सोमबार विश्वासको मत प्राप्त गरेका छन् । नेकपा (माओवादी केन्द्र)को चिह्न ‘गोलाकारभित्र हँसिया हथौडा’बाट चुनाव जितेका फणीन्द्र देवकोटाले 'फ्लोर क्रस'...