बम्जनलाई भेट्न पुगिन् पूर्व राज्यमन्त्री लामा, सीआईबीमा समर्थक भेला

व्यक्ति हत्या र बलात्कार आरोपमा पक्राउ परेका तपस्वी दाबी गर्ने रामबहादुर बम्जन 'लिटल बुद्ध'लाई भेट्न पूर्व राज्यमन्त्री यशोदा लामा प्रहरी कार्यालय पुगेकी छिन् । 

पूर्व सांसदसमेत रहेकी लामाले प्रहरीको केन्द्रीय अनुसन्धान ब्यूरो (सीआईबी)मा पुगेर बमजनलाई भेटेकी हुन् ।

दलित जनजाति पार्टीबाट २०७० सालको संविधानसभा निर्वाचनमा समानुपातिक सांसद बनेकी लामा २०७४ सालमा छोटो समय पुष्पकमल दाहाल 'प्रचण्ड' नेतृत्वको सरकारमा भूमिसुधार राज्यमन्त्री बनेकी थिइन् ।  ​

पूर्व राज्यमन्त्री लामा बम्जनकी अनुयायी हुन् ।

उनले फेसबूकमा रामबहादुर बम्जन र बोधी श्रवण धर्म संघका पोष्ट शेयर गरेकी छिन् । 

सीआईबीले बम्जनलाई मंगलवार काठमाडौंको बूढानीलकण्ठ क्षेत्रबाट पक्राउ गरेको थियो ।

यसैबीच, बोधी श्रवण धर्मसंघमा आबद्ध बम्बजनका केही अनुयायी सीआइबी पुगेका छन् । ​

बम्बनलाई प्रहरीले पत्रकार सम्मेलन गरेर सार्वजनिक गर्ने तयारी गरेको छ ।