इंग्लिस प्रिमियर लिग फूटबलमा टोटनहमले रोमाञ्चक पुनरागमन जीत निकालेको छ ।

शनिवार राति भएको सिजनको २६औं खेलमा टोटनहमले आफ्नो घरेलु मैदानमा १ गोलले पछि परेको स्थिति उल्टाउँदै क्रिस्टल प्यालेसमाथि ३–१ को जीत निकालेको हो । 

टोटनहमले खेलको अन्तिम समयतिर मात्रै ११ मिनेटको बीचमा ३ गोल गरेको थियो । टोटनहमका लागि खेलको ७७ औं मिनेटमा नयाँ खेलाडी टिमो वार्नरले गोल गरेर खेल बराबरी बनाएका थिए । त्यसको ३ मिनेटमै डिफेन्डर क्रिस्टिएन रोमेरोले गोल गर्दै टोटनहमलाई जीतको बाटो देखाएका थिए ।

त्यसपछि ८८औं मिनेटमा कप्तान सन ह्युङ मिनले गोल गरेपछि टोटनहम ३–१ गोल अन्तरले विजयी भयो ।

यसअघि खेलको ५९ औं मिनेटमा गोल गर्दै इरेबेची इजेले प्यालेसलाई अग्रता दिलाएका थिए । 

यो जीतपछि टोटनहम २६ खेलपछि ५० अंक जोडेर पाँचौं स्थानमा रहेको छ । पराजित प्यालेस २८ अंकसहित अंक तालिकाको १४ औं स्थानमा छ ।

शीर्ष स्थानको लिभरपुलको कठिन जीत