त्रिभुवन अन्तर्राष्ट्रिय  विमानस्थलका महाप्रबन्धक (जीएम) प्रतापबाबु तिवारीको सरुवा भएको छ ।

उनको भैरहवास्थित गौतमबुद्ध अन्तर्राष्ट्रिय विमानस्थलमा सरुवा भएको हो । 

नेपाल नागरिक उड्डयन प्राधिकरणका महानिर्देशक प्रदीप अधिकारीले बुधवार सरुवाको निर्णय गरेका हुन् ।

तिवारीको ठाउँमा प्राधिकरणका प्रवक्तासमेत रहेका जगन्नाथ निरौलालाई महाप्रबन्धकको रुपमा ल्याइएको छ ।