नेकपा एमालेको महाधिवेशन प्रतिनिधि परिषद्को बैठकमा ६ वटा समूह बनाएर विभिन्न प्रतिवेदनमाथि छलफल भइरहेको छ।

शनिवार अध्यक्ष शर्मा केपी ओलीको राजनीतिक र महासचिव शंकर पोखरेलको सांगठनिक तथा केन्द्रीय अनुशासन आयोगका अध्यक्ष केशव बडाल, केन्द्रीय लेखा आयोगका अध्यक्ष डा पुष्पराज कँडेल, केन्द्रीय सल्लाहकार परिषद्का अध्यक्ष अमृतकुमार बोहरा, केन्द्रीय निर्वाचन आयोगका अध्यक्ष डा. विजय सुब्बाको प्रतिवेदनमाथि छलफल भइरहेको हो । 

अघिल्लो दिन सबै प्रतिवेदन पेश भएपछि आइतवार ६ वटा समूहमा छलफल जारी रहेको केन्द्रीय प्रचार विभाग प्रमुख राजेन्द्र गौतमले जानकारी दिए । 

उनका अनुसार बैठकले एमालेलाई निर्णायक राष्ट्रिय शक्तिका रुपमा रुपान्तरण गर्नका लागि चाल्नुपर्ने कदमका बारेमा कार्ययोजना बनाउने छ ।

पार्टी संगठनलाई थप संगठित र व्यवस्थित बनाएर जाने विषय पनि एमालेको प्राथमिकतामा रहेको उनको भनाइ छ ।

एमालेको प्रतिनिधि परिषद्को बैठकमा २ हजार ४५४ प्रतिनिधि सहभागी छन् । 

परिषद्को बैठक सकिएपछि एमालेले प्रधानमन्त्री पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवासहितका नेतालाई आमन्त्रण गरी सोमवार नेकपा स्थापनाको हीरक महोत्सव मनाउँदै छ ।