दोस्रो टी–२० खेलमा वेस्टइन्डिज ‘ए’ले नेपाललाई १६१ रनको लक्ष्य दिएको छ । 

टस जितेर पहिले ब्याटिङमा उत्रिएको वेस्टइन्डिजले २० ओभरमा ७ विकेट गुमाएर नेपाललाई १६१ रनको लक्ष्य दिएको हो । 

नेपालका लागि सागर ढकालले ४ ओभरमा १९ रन दिएर २ विकेट लिए । खेलको दोस्रो ओभरमै उनले २ विकेट लिएका थिए ।

कुशल भुर्तेलले पनि ४ ओभरमा २२ रन दिएर २ विकेट लिए । 

दीपेन्द्रसिंह ऐरीको १८ औं ओभरमा पनि नेपालले २ विकेट हात पार्‍यो । दीपेन्द्रको ओभरमा हेडन वाल्स ९ रनमा रनआउट भए ।

पाहुना टोलीका लागि फ्लेचरले ३६ बलमा सर्वाधिक ४३ रन बनाए । कप्तान रोस्टन चेसले २३ रन बनाए । 

शनिबार २०५ रनको लक्ष्य पछ्याएको नेपालले २ बल बाँकी छँदै ४ विकेटले जितेको थियो ।