एमाले नवलपरासीको अध्यक्षमा दोहोरिए अधिकारी

नेकपा एमाले पश्चिम नवलपरासीको अध्यक्षमा दीपेन्द्र अधिकारी पुन: निर्वाचित बनेका छन् ।

पार्टीको आइतवार सम्पन्न ९ औं अधिवेशनले अधिकारीको नेतृत्वमा नयाँ कार्यसमिति चयन गरेको हो । 

जसअनुसार उपाध्यक्षमा डोलराज भण्डारी, सचिवमा धीरज शर्मा बस्याल, उपसचिवद्वयमा राजनकुमार आचार्य र रिंगला यादव रहेको पुरानै पदाधिकारीलाई कायम गरिएको छ ।

पदाधिकारीमा शनिवार साँझ सहमति जुटे पनि गुट विवादकै कारण जिल्ला कमिटी सदस्यको आइतवार दिउँसो मात्रै टुंगिएको हो ।

पदाधिकारीको नाम टुंगो लागे पनि नेताहरूलाई जिल्ला कमिटी सदस्यको नाम टुंग्याउन धौ–धौ परेको थियो ।

सहमतिअनुसार १०५ सदस्यीय जिल्ला कमिटीलाई पूर्णता दिइएको हो ।