पुस २५, २०८०
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
कात्तिक २४, २०७४
काठमाडौं, २४ कात्तिक– धादिङमा आगामी मंसिर १० गते हुने प्रतिनिधिसभा र प्रदेश सभाको निर्वाचनको सरगर्मी बढेको छ । राजनीतिक दलहरुले चुनावी प्रचारलाई तीब्र बनाएसँगै चुनावी माहोल तातेको छ । उम्मेदवारहरु सामाजिक सञ्जालदेखि मेलापातमा रहेका मतदाताको खेतसम्म पुगेर भोट मागिरहेका छन् ।
प्रतिनिधिसभाका लागि २ र प्रदेश सभाका लाग ४ वटा निर्वाचन क्षेत्र रहेको धादिङमा वाम गठबन्धन र लोकतान्त्रिक गठबन्धनबीच कडा प्रतिस्पर्धा हुने देखिन्छ ।
प्रतिनिधि सभा क्षेत्र नं १ मा काँग्रेसका तर्फबाट युवा व्यवसायी विश्व अर्याल र एमालेका जिल्ला अध्यक्ष भूमि त्रिपाठी प्रतिस्पर्धामा छन् । अर्याल राजनीतिसंगै व्यवसायी छविबाट निकै चर्चामा रहेका व्यक्ति हुन् भने त्रिपाठी अधिबक्ता हुन् । त्रिपाठी नेकपा एमालेका जिल्ला अध्यक्ष पनि हुन् ।
गत बैशाख ३१ गतेको स्थानीय तहको निर्वाचनमा प्रतिनिधि सभा क्षेत्र नम्बर १ बाट वाम गठबन्धनले ५९ हजार ८ सय ६८ मत प्राप्त गरेको थियो । यस्तै लोकतान्त्रिक गठबन्धनले १४ हजार ५ सय ६५ मत प्राप्त गरेको थियो ।
स्थानीय तहको निर्वाचनको मतपरिणाम अनुसार धादिङ क्षेत्र नम्बर १ मा लोकतान्त्रिक गठबन्धन वाम गठवन्धनभन्दा ४५ हजार ३ सय ३ मतले पछाडि रहेको छ । यसलाई हेर्दा हालको निर्वाचन क्षेत्र नं १ मा तुलनात्मक रुपमा नेपाली काँग्रेसलाई जीत हासिल गर्न चुनौतीपूर्ण छ ।
प्रदेशसभातर्फ क्षेत्रनम्बर १ को (क) मा काँग्रेसको तर्फबाट मुधकुमार श्रेष्ठ, एमालेका तर्फबाट पूर्व सांसद राजेन्द्रप्रसाद पाण्डेले उम्मेदवारी दिएका छन् ।
पाण्डे उम्मेदवार रहेको धुनीबेसी नगरपालिका, थाक्रे र गल्छी गाउँपालिका तीनै स्थानीय तहमा गत बैशाख ३१ गते सम्पन्न स्थानीय तहको निर्वाचनमा एमालेका उम्मेदवार विजयी भएका थिए । स्थानिय चुनावको मतपरिणाम हेर्दा १ को (क)मा बामगठबन्धनको जम्मा मत ३२ हजार १ सय ८४ छ । लोकतान्त्रिक गठबन्धनको जम्मा मत ९ हजार ८ सय छ । यो क्षेत्रमा वाम गठबन्धन लोकतान्त्रिक गठवन्धनभन्दा २२ हजार ३ सय ८४ मतले अगाडि छ ।
यस्तै क्षेत्र नम्बर १ को (ख)मा लोकतान्त्रिक गठवन्धनका तर्फ काँग्रेसका प्रभातकिरण सुवेदी र वाम गठवन्धनका तर्फबाट माओवादी केन्द्रका जिल्ला अध्यक्ष शालिकराम जमरकट्टेलको उम्मेदवारी रहेको छ । लोकतान्त्रिक गठवन्धनका उम्मेदवार सुवेदी गत संविधान सभाको निर्वाचनको बेला माओवादी केन्द्रबाट काँग्रेस प्रवेश गरेका थिए । पार्टी परित्याग पछि जम्मरकट्टेलका सम्पर्क बाहिर रहेका सुवेदी र जम्मरकट्टेलबीच आगामी मंसिर १० गते हुने चुनावमा प्रतिस्पर्धा हुने छ ।
उक्त क्षेत्रमा पर्ने तीन गाउँपालिका मध्ये स्थानीय निर्वाचनमा एक गाउँपालिकामा माओवादी केन्द्र र दुई वटामा नेकपा एमालेका उम्मेदवार विजयी भएका थिए ।
सो क्षेत्रमा स्थानीय तहको निर्वाचनमा बाम गठबन्धनका उम्मेदवारले २७ हजार ६ सय ८४ मत प्राप्त गरेका थिए भने लोकतान्त्रिक गठबन्धनका उम्मेदवारले ४ हजार ७ सय १८ मत प्राप्त गरेका थिए । बामगठबन्धनले लोकतान्त्रिक गठबन्धनको तुलनामा २२ हजार ९ सय ६६ मत बढी ल्याएका थिए ।
यस्तै निर्वाचन क्षेत्र नं २ मा प्रतिनिधि सभामा लोकतान्त्रिक गठबन्धनबाट नेपाली काँग्रेसका कानुन न्याय तथा संसदीय ब्यवस्था राज्यमन्त्री दिलमान पाख्रिन र बाम गठबन्धनबाट एमालेका केन्द्रिय सदस्य खेम लोहनी प्रतिस्पर्धामा रहेका छन् । पाख्रिन काँग्रेसका पुराना दिवंगत नेता दामन पाख्रिनका छोरा हुन । लोहनी एमाले धादिङको अध्यक्ष हुँदै केन्द्रीय सदस्य भएका हुन् । लोहनी पूर्व जिल्ला विकास समिति धादिङका सभापति समेत भएका थिए ।
प्रतिनिधि सभा २ मा स्थानीय चुनावमा लोकतान्त्रिक गठबन्धनले ३४ हजार १ सय ५६ मत पाप्त गरेको थियो । यस्तै वामगठबन्धनका उम्मेदवारले ३० हजार ९ सय दुई मत पाएका थिए । लोकतान्त्रिक गठबन्धन ३ हजार दुई सय ५४ मतले अगाडि छन् । २ नंबर क्षेत्रमा लोकतान्त्रिक र वामगठबन्धनबीच कडा प्रतिस्पर्धा हुने देखिएको छ ।
प्रदेश २(क) मा काँग्रेसबाट जिल्ला अध्यक्ष रमेश धमला र एमालेबाट डा. रामकुमार अधिकारीको उम्मेदवारी रहेको छ । यस क्षेत्रमा धमला र अधिकारी दुवै पहिलो पटक उम्मेदवारी दिएका हुन् ।
धमला नेपाली काँग्रेसका जिल्ला सभापति समेत हुन् । धमला युवाहरुका माझमा लोकप्रिय नताको रुपमा चिनिन्छन् । स्थानिय चुनावमा यस क्षेत्रमा पर्ने नीलकण्ठ नगरपालिका र ज्वालामुखीमा काँग्रेसले जितेको थियो । यस्तै नेत्रावती गाउँपालिकामा एमालेले जित हासिल गरेको थियो ।
यस क्षेत्रमा लोकतान्त्रिक गठबन्धनले २१ हजार छ सय ३४ मत प्राप्त गरेका थिए भने बामगठबन्धनले १६ हजार ७६ मत पाएका थिए । लोकतान्त्रिक गठबन्धन ५ हजार ५ सय ५८ मतले अगाडि छ ।
प्रदेश २(ख) मा माओवादी केन्द्रबाट जगत सिम्खडा र राष्ट्रिय प्रजातन्त्र पार्टी राप्रपाबाट डम्बर तामाङको प्रतिस्पर्धा रहेको छ । सिम्खडा माओवादी केन्द्रको पोलिटव्यूरो सदस्य हुन् भने तामाङ राप्रपाका नेता एवम् पूर्व मन्त्री बुद्धिमान तामाङका सहोदर भाई हुन् ।
स्थानिय चुनावमा प्रदेश २ को (ख) मा बामगठबन्धनले १४ हजार आठ सय २६ मत पाएका थिए भने लोकतान्त्रिक गठबन्धनले १२ हजार ५ सय ३ मत प्राप्त गरेका थिए । यस क्षेत्रमा बामगठबन्धन २ हजार ३ सय २३ मतले अगाडि छ ।
गत बैशाख ३१ गते भएको स्थानीय तहको निर्वाचनमा १३ स्थानीय तह मध्ये ८ वटामा एमाले, ३ वटा नेपाली काँग्रेस, १ वटामा माओवादी केन्द्र र १ वटामा राप्रपाका उम्मेदवार विजयी भएका थिए । गत स्थानीय निर्वाचनमा नेकपा एमाले र राष्ट्रिय प्रजातन्त्र पार्टी एकल चुनावी प्रतिस्पर्धामा थिए भने नेपाली काँग्रेस र माओवादी केन्द्रबीच अधिकांश स्थानीय तहमा तालमेल भएको थियो ।
आगामी मंसिर १० गते हुने प्रदेशसभा र प्रतिनिधिसभा निर्वाचनमा भने नेकपा एमाले र माओवादी केन्द्रबीच तालमेल भएको छ । यस्तै नेपाली कांग्रेस र राष्ट्रिय प्रजातन्त्र पार्टीले लोकतान्त्रिक गठवन्धनका नाममा तालमेल गरेका छन् ।
स्थानिय तहको निर्वाचनसम्म एकअर्कामा शुत्रुता जस्तो देखिएका एमाले र माओवादीको वाम गठवन्धनले कांग्रेसलाई प्रदेश र प्रतिनिधिसभाको चुनावमा जित हासिल गर्न चुनौती थपिएको छ ।
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
काठमाडौँ, २२ चैत –निर्वाचन आयोगले न्यायपरिषद्को परामर्शमा ७५ जिल्लाका जिल्ला न्यायाधीशलाई मुख्य निर्वाचन अधिकृत नियुक्त गरेको छ । आगामी वैशाख ३१ गते हुने स्थानीय तह निर्वाचनका लागि आयोगले उनीहरुलाई मुख्...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
कानूनअनुसार असार १ प्रदेश सरकारले आ–आफ्नो सभामा बजेट प्रस्तुत गर्ने दिन हो । नेपालको संविधान र कानूनले बजेट प्रस्तुत गर्ने समय तोकिदिएको छ । यसरी बजेट प्रस्तुत गर्ने दिन नै तोक्नुका २ कारण छन् । पहिलो, तह...
अढाइ वर्षअघि नेपाली कांग्रेसको १४औं महाधिवेशन नेतृत्व मात्र चयन गरी ६ महिनाभित्र नीति महाधिवेशन आयोजना गर्ने र आवश्यक निर्णय लिने निष्कर्षमा पुगेको थियो । तत्पश्चात् निकै लामो समय पार्टीभित्र र बाहिर नीति महाधिवे...
गण्डकी प्रदेशका मुख्यमन्त्री सुरेन्द्रराज पाण्डेले सोमबार विश्वासको मत प्राप्त गरेका छन् । नेकपा (माओवादी केन्द्र)को चिह्न ‘गोलाकारभित्र हँसिया हथौडा’बाट चुनाव जितेका फणीन्द्र देवकोटाले 'फ्लोर क्रस'...