कांग्रेसको प्रतिवेदन – नेकपा सर्वसत्तावादी, मधेसवादी दल घोर साम्प्रदायिक [प्रतिवेदनसहित]

काठमाडौं– प्रमुख प्रतिपक्षी दल नेपाली कांग्रेसले नेकपा नेतृत्वको सरकार अधोगति तिर भासिएको आरोप लगाएको छ ।

महासमिति बैठकमा प्रस्तुत गर्न तयार गरिएको प्रतिवेदनमा कम्युनिष्ट नेतृत्वको सरकारले अर्थतन्त्र लथालिंग पारेको आरोप लगाइएको छ ।

ʻसत्ता प्राप्तिका लागि एक हुने, सिद्धान्तको आवरण विस्तारै गाँस्दै जाने र जे जस्तो उंट बन्ला त्यसलाई आजको माक्र्सवादको विल्ला भिराइदिने, यो रणनीतिले चुनावी सफलता त मिल्यो तर यसको दुष्परिणाम र द्विविधाले सरकारको गतिलाई गहिरोसँग प्रभाव र दवावमा राखेको स्पष्ट देखिन्छʼ कांग्रेस उपसभापति विमलेन्द्र निधीले तयार गरेको राजनीतिक प्रतिवेदनमा उल्लेख छ ।

वर्तमान कम्युनिष्ट सरका दलीय सर्वसत्तावादतर्फ अगाडि बढ्न लागेको अनुभव भएको कांग्रेसको राजनीतिक प्रतिवदेनमा उल्लेख गरिएको छ । 

सर्वसत्तावादलाई नेपाल कम्युनिष्ट पार्टीको सरकारले परित्याग गरेको खण्डमा नेपाली कांग्रेस वर्तमान संविधानको रक्षा, सुशासन, राजनीतिक स्थीरता र विकास तथा प्रगतिका पक्षमा सहयोग गर्ने खुला रहेको प्रतिवेदनमा उल्लेख गरिएको छ । यस्तै मधेश केन्द्रीत दलहरु लोकतन्त्रलाई सजिलो बनाउने बाटोमा नरहेको कांग्रेसको निष्कर्ष छ । 

उनीहरुले उठाई आएका कतिपय जातीवादी, क्षेत्रीय अतिवादी तथा घोर साम्प्रदायिक कुराहरुले राष्ट्रियता, संघीयता तथा लोकतन्त्रलाई प्राथमिकता नदिएको कांग्रेसको ठहर छ । 

यस्तो छ प्रतिवेदन