मंसिर २०, २०८०
नेपाल पर्यटन तथा होटल व्यवस्थापन प्रतिष्ठान (नाथम)का प्रिन्सिपल रामकैलाश बिछाको स्नातकोत्तरको शैक्षिक प्रमाणपत्र नक्कली रहेको आरोप त्यहाँ कार्यरत शिक्षकहरूले लगाएका छन् । संस्कृति, पर्यटन तथा नागरिक उड्डयन मन्त्...
जनकपुरधाम – २ नम्बर प्रदेश सरकारले स्थायी राजधानी र प्रदेशको नामाकरण सम्बन्धी प्रस्ताव संसदमा दर्ता गराउन ढिलाइ गरेको छ ।
राजधानी र नामबारे संसद बैठकका शुरूवाती बैठकमै प्रस्ताव लैजानुपर्ने भएपनि सरकारले ढिलाइ गरिरहेको नेपाली कांग्रेस संसदीय दलका नेता रामसरोज यादवले बताए ।
नेकपा र कांग्रेसका सांसद मिलेर राजधानी र नामबारे संसदमा प्रस्ताव लैजान खोजेको भएपनि प्रदेश सरकारले रायसुझाव संकलन गर्न संवाद तथा सुझाव आयोग गठन गरेकाले स्थगित गरिएको नेपाल कम्युनिस्ट पार्टी (नेकपा) का सांसद रामचन्द्र मण्डलले बताए ।
आयोगले सकेन काम
गत कात्तिक ११ गते प्रदेश सरकारले नाम र राजधानीबारे सुझाव संकलन गर्न संवाद तथा सुझाव आयोग गठन गरेको थियो । प्रदेश नीति आयोगका उपाध्यक्ष डा. हरीवंश झाको संयोजकत्वमा गठित आयोगमा रामप्रवेश बैठा र मोहनलाल चौधरी सदस्य छन् ।
प्रदेशभर अन्तक्र्रिया गर्दै ४५ दिनभित्र सुझाव संकलन गरेर सरकारलाई प्रतिवेदन बुझाउन आयोगलाई समयसीमा तोकिएको थियो । आयोगले पर्साको वीरगञ्जमा मात्र अन्तक्र्रिया गरेर तोकिएको समय गर्यो ।
फेरि प्रदेश सरकारले आयोगलाई २ महिनाको म्याद थप गरेको थियो । आयोगले गत मंसिर २० गते पर्सा जिल्लाको वीरगञ्ज, पुस ७ गते सप्तरीको राजविराज र पुस १० गते बाराको कलैयामा अन्तक्र्रिया गरेको छ । प्रमुख राजनीतिक दलका प्रतिनिधि, जिल्लाका स्थानीय तहका प्रमुख, उपप्रमुख, विभिन्न पेशागत संघ संगठनका प्रतिनिधिलाई राखेर अन्तक्र्रिया गरिएको आयोगका अध्यक्ष हरिवंश झाले बताए । उनका अनुसार सहभागीलाई १ प्रश्नावली दिएर उत्तर लेख्न भनिएको थियो ।
विभिन्न कार्यक्रमका सहभागीले आफ्नै शहर वा नजिकको शहरमा राजधानी हुनुपर्ने सुझाव दिएका छन् । प्रदेशको नाममा अधिकांशले मधेश प्रदेश नै हुनुपर्ने सुझाव दिएका छन् भने मध्य मधेश, मिथिला, भोजपुरा, विदेह, लगायत नाम पनि सुझावमा आएका झाले बताए ।
‘अब सिरहा, रौतहट, धनुषा, महोत्तरी र सर्लाहीमा छिट्टै अन्तक्र्रिया गरेर प्रदेश सरकारलाई प्रतिवेदन बुझाउने छौं,’ उनले भने । पुस २२ गते महोत्तरीको जलेश्वर र पुस २७ गते सिरहामा अन्तक्र्रिया गर्ने तय गरिएको छ । थपिएको म्यादभित्रै प्रतिवेदन बुझाइने उनले बताए ।
अनावश्यक आयोग
प्रतिपक्षी दलले राजधानी र नामबारे निर्णय गर्न आयोगको आवश्यकता नै नभएको तर्क गरेका छन् । नाम र राजधानीको निर्णय प्रदेश सभाको दुईतिहाईले गर्न भएका कारण प्रदेश सभामै छलफल गरेर निर्णय लिन सकिने कांग्रेस संसदीय दलका नेता रामसरोज यादवले बताए ।
संसदमा छलफल गर्दा सांसदले अपनत्वबोध गर्ने नेकपाका सांसद रामचन्द्र मण्डलले बताए । ‘आयोगले समयमै प्रतिवेदन नबुझाए कांग्रेस र नेकपा मिलेरसँग छलफल गरेर छुट्टै प्रस्ताव संसदमा दर्ता गर्न सक्छौं,’ उनले भने ।
सबैसँग छलफल गरिरहेको सरकारी दाबी
प्रदेशको नाम र राजधानीबारे प्रदेश सरकारले सबै राजनीतिक दलका नेतासँग छलफल गरिरहेको आन्तरिक मामिला तथा कानून राज्यमन्त्री सरोजसिंह कुशवाहाले बताए ।
‘केही ढिला भएपनि बहुसंख्यक जनताको राय बुझ्न आयोग गठन गरिएको हो,’ उनले भने । प्रदेश सरकारले प्रदेशको नाम मधेश प्रदेश नै होस् भन्ने चाहेको संघीय समाजवादी फोरम नेपालका सांसद समेत रहेका राज्यमन्त्री कुशवाहाले बताए ।
मधेश, मिथिला कि भोजपुर ?
मधेश आन्दोलनबाट मधेशको पहिचान स्थापित भएपनि पुरानो पहिचान समेट्न मिथिला भोजपुर मधेश वा छोटकरीमा ‘मिभोम प्रदेश’ राख्न सकिने उनले बताए । प्रदेशको नाम मधेश प्रदेश कुनै पनि हालतमा स्वीकार्य नहुने कांग्रेसका सांसद यादवले बताए ।
‘मिथिलालाई कांग्रेसले कुनै पनि हालमा छोड्दैन,’ उनले भने । नामका विषयमा विवाद भएपनि प्रदेश राजधानी जनकपुरमै राख्न सकिनेमा अधिकांश राजधानी दल एकमत छन् ।
राजपा नेपालका प्रमुख सचेतक परमेश्वर साहले प्रदेशको नाम मधेश नै हुनुपर्ने राजपा नेपालको अवधारणा रहेको बताए । ‘सरकारले प्रस्ताव ल्याउँदा दुईतिहाई जुटाउन नसके नैतिकताको आधारमा सरकारले राजीनामा गर्नुपर्ने हुन्छ । त्यसकारण सरकारले त्यस विषयमा छलफल होस् भन्ने चाहेकै छैन,’ कांग्रेस सांसद यादवले भने ।
नेपाल पर्यटन तथा होटल व्यवस्थापन प्रतिष्ठान (नाथम)का प्रिन्सिपल रामकैलाश बिछाको स्नातकोत्तरको शैक्षिक प्रमाणपत्र नक्कली रहेको आरोप त्यहाँ कार्यरत शिक्षकहरूले लगाएका छन् । संस्कृति, पर्यटन तथा नागरिक उड्डयन मन्त्...
धनुषाको शहीदनगर नगरपालिकाका तत्कालीन शिक्षा संयोजक धनेश्वर यादवले झण्डै २ करोड पेस्की लिएर विभिन्न कार्यक्रमका नाममा नक्कली बिल भर्पाइ पेस गरि अनियमितता गरेको पाइएको छ । धनुषाको लक्ष्मीनियाँ गाउँपालिका...
यातायात व्यवस्था विभागका उच्च अधिकारी, विभिन्न यातायात कार्यालयका प्रमुख तथा कर्मचारी र बिचौलियाको मिलेमतोमा झन्डै ३० हजार अवैध लाइसेन्स जारी भएको पाइएको छ । विगत ६ महिनायता लिखित र ट्रायल परीक्षा नै...
संसदीय लोकतन्त्रलाई आदर्श मान्ने नेपाली कांग्रेसका सभापति एवं संसदीय दलका नेता शेरबहादुर देउवादेखि नयाँ दलको रूपमा उदाएको रास्वपाका सांसद स्वर्णिम वाग्ले तथा शिशिर खनालसम्मले महिनामा एकदिन पनि हाजिरी नग...
यातायात व्यवस्था विभागका महानिर्देशक उद्धवप्रसाद रिजालसहितको टोली सवारी चालक अनुमति पत्र (लाइसेन्स)मा प्रयोग हुँदै आएको स्मार्ट कार्डको गुणस्तर अनुगमनका लागि भन्दै जर्मनी जान लागेका छन् । टोलीमा विभा...
कार्यक्रम : राष्ट्रपति, उपराष्ट्रपतिसहित भीभीआईपीहरूको लर्को लागेको एउटा भव्य विवाह समारोह । मिति : २०८० साल, मंसिर २९ गते, शुक्रवार स्थान : गोकर्ण रिसोर्ट, काठमाडौं । (पाँच तारे स्तरको डिलक्स रिसोर्ट) ...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...