फागुन २९, २०८०
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
काठमाडौं –खानेपानी तथा ढल व्यवस्थापन विभागअन्तर्गत करीब ४ अर्ब रुपैयाँ बराबरका निर्माणाधीन आयोजना अलपत्र परेका छन् । विभागअन्तर्गत लामो सयमदेखि सञ्चालनमा रहेका ३ अर्ब ९० करोड रुपैयाँ बराबरका विभिन्न १७ आयोजनाको काम सयममै नसकिँदा ठेक्का अलपत्र परेका हुन् ।
सो विभाग अन्तर्गत नुवाकोट, नवलपरासी, चितवन, तनहुँ लगायतका विभिन्न जिल्लाका ३ अर्ब ९० करोड रुपैयाँ लगानीका आयोजना अलपत्र रहेका हुन् ।
८१ करोड ८ लाख रुपैयाँ लगानीमा ठेक्का सम्झौता भएको नुवाकोटको विदुर नगर खानेपानी आयोजना सम्पन्न हुनुपर्ने अवधि गत जुन ११ सम्मको रहेको थियो । तर सम्झौताको म्यादसहित ६ महिना नाघिसक्दा समेत उक्त आयोजनाको काम ८० प्रतिशत मात्रै भएको छ । अख्तियार दुरूपयोग अनुसन्धान आयोगले उक्त ठेक्कालाई रुग्ण घोषित गरेको छ ।
खानेपानी तथा ढल व्यवस्थापन विभागले उक्त आयोजनाको निर्माणको काममा ढिलाइ भएको स्वीकार गर्दै निर्माण कार्य अघि बढिसकेको जानकारी दिएको छ ।
विभागका सूचना अधिकारी रत्नप्रसाद लामिछानेले उक्त आयोजना निर्माणका क्रममा केही समस्या आएको र केही समय ढिलाइ भएपनि पछिल्लो समय निर्माण अकार्य अघि बढिसकेको बताए ।
‘गल्छी–रसुवागढी सडक विस्तार कार्यमा सडकको जग्गा मुआब्जा विवाद भएका कारण ३ किलोमिटर पाइपलाइनको काममा बाधा अड्चन आएको थियो,’ उनले लोकान्तरसँग भने, ‘आगामी मे २८ सम्म सम्पन्न गर्ने गरी ठेक्का सम्झौताको म्याद थपिएको छ । निर्माण कार्य भइरहेको छ र अबको ४ महिनामा उक्त काम सकिन्छ ।’
नवपरासीको तमसरिया नगर आयोजना गत मार्चमा नै सम्पन्न हुनुपर्ने सम्झौतामा थियो । ३० करोड ७८ लाख ठेक्का सम्झौता भएको उक्त आयोजनाको काम म्याद थप हुँदासम्म समेत ७६ प्रतिशत मात्रै सम्पन्न भएको छ ।
थपिएको म्याद अनुसार उक्त आयोजनाको काम गत १० तारिखमै सम्पन्न हुनुपर्ने थियो । खानेपानी विभागले उक्त आयोजनाको काम समेत निर्माणकै क्रममा रहेको र अबको तीन महिनामा काम सम्पन्न हुने प्रतिक्रिया दिएको छ । आंशिक रूपमा पानी परीक्षण भइरहेको विभागका सूचना अधिकारी लामिछानेको भनाइ थियो ।
तीन वर्षअघि सकिनुपर्ने अझै अपूरो
तनहुँको डुम्रे नगर आयोजना २०१६ डिसेम्बर ८ तारिखमै सम्पन्न गर्नेगरी ठेक्का सम्झौता भएको थियो । १५ करोड २३ लाखमा ठेक्का सम्झौता भएको उक्त आयोजनाको म्याद थप गर्दा समेत काम सम्पन्न भएको छैन । थप गरिएको म्याद अनुसार २०१७ को सेम्टेम्बर २८ तारिखमा उक्त आयोजना सम्पन्न हुनुपर्ने भएपनि ९५ प्रतिशत मात्रै सम्पन्न भएको छ ।
१७ वटा आयोजना रुग्ण
माथिका तीन आयोजना प्रतिनिधिमूलक उदारण मात्र हुन् । अख्तियार दुरुपयोग अनुसन्धान आयोगले यस्ता १७ वटा आयोजनालाई रुग्ण ठेक्काको सूचीमा राखेको छ ।
कुल १७ वटा रुग्ण आयोजनामध्ये विभिन्न १० वटा आयोजनाको ठेक्का सम्झौता समेत नभएको आयोगले जानकारी दिएको छ ।
खानेपानी विभागले अख्तियार दुरुपयोग अनुसन्धान आयोगले भने जस्तो रुग्ण ठेक्का भन्न नमिल्ने प्रतिक्रिया दिएको छ । विभागका सूचना अधिकारी लामिछानेले अख्तियारले भने जस्तो रुग्ण अवस्थामा कुनैपनि आयोजना नरहेको र सबै लगभग निर्माणको अन्तिम चरणमा रहेको बताए ।
त्यसको लागि सबै आयोजनाको अध्यावधिक अवस्थाको समीक्षा सहित निर्माण कार्य अघि बढाउने योजना बनाएको लामिछानेको भनाइ छ ।
पढ्नुहोस्, यो पनि :
निरीह दुईतिहाइ सरकार : भाषण समृद्धिको, विकास निर्माणका आयोजना ठप्प !
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...
काठमाडौंको चण्डोल घर भएका कामोद ढुंगाना २०८० असार ३१ गते वुलिङ एयरको विद्युतीय गाडी (ईभी) किन्न नयाँ बानेश्वरस्थित बज्र ग्रुपको इभी-नेपाल मोटर्स प्रालि पुगेका थिए । अंकित मूल्य (एमआरपी) ३० लाख ९९ हजार रुप...
मिडियाकै हितविपरीत काम गरेर विवादमा तानिएको विज्ञापन बोर्डले दुई वर्षमा राज्यकोषमा २० करोड ३१ लाख रुपैयाँ बढी व्ययभार थपेको छ । मिडियाको हितविपरीत एकपछि अर्को निर्णय गरेको बोर्डले विगत दुई वर्षमा २० करोड ३१...
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...