नेकपाले आफ्ना नेतालाई मिलाउन नसक्दा दाङको घोराही उपमहानगरपालिका वडा नम्बर १६ को उपनिर्वाचन कांग्रेसको पोल्टामा पुगेको छ ।

घोराही उपमहानगरपालिका वडा नं.१६ मा नेपाली कांग्रेसका उम्मेदवार ताराबहादुर डाँगी बिजयी भएका छन । कांग्रेसका उम्मेदवार डाँगी १ हजार २ सय २२ मत प्राप्त गरि विजयी भएका हुन् ।

टिकट नपाएपछि स्वतन्त्र उठेका उम्मेदवार जगलाल थारुले ७ सय २० मत ल्याए । डाँगीका प्रतिद्धन्द्धी  नेकपाका सुरेशबहादुर केसीले १ हजार १ सय १७ मत प्राप्त गरेका थिए । गएको निर्वाचनमा यो वडामा नेकपा एमालेबाट लछिनप्रसाद बुढा बिजयी भएका थिए ।

वडा नं. १६ मा रहेका ४ हजार ४ सय ५३ मतदाता मध्य ३ हजार दुई सय २६ जनाले मतदान गरेका थिए । जसमध्ये ६८ मत बदर भएको थियो ।

बुढाको निधन भएपछि वडा नं. १६ मा उपनिर्वाचन भएको हो । चुनावमा स्वतन्त्र उठेपछि थारुलाई नेकपाले कारवाही गरेको छ ।