हिजो दिनभर : सभामुखका लागि सापकोटाको उम्मेदवारी दर्ता, रिसोर्टमा बेहोश भएका ८ भारतीय पर्यटकको मृत्यु

धादिङमा मिनीट्रक दुर्घटना, ६ जनाको मृत्यु

धादिङको नीलकण्ठ नगरपालिका वडा नम्बर– ९ मा मिनीट्रक दुर्घटना हुँदा ६ जनाको मृत्यु भएको छ ।


Advertisement

ढोला मण्डली मन्दिरमा पूरा गरी फर्किँदै गरेका यात्रु बोकेको ग १ ख ८०१२ नम्बरको मिनीट्रक तीव्र गतिका कारण सडकमा पल्टिएर दुर्घटनामा परेको हो ।

दुर्घटनामा परी ६ जनाको मृत्यु भएको जिल्ला प्रहरी कार्यालय धादिङले जनाएको छ ।


Advertisement

३१ जना घाइते भएका छन्, ती मध्ये ७ जनाको अवस्था गम्भीर छ ।

गम्भीर घाइतेलाई हेलिकप्टरमार्फत काठमाडौं पठाउने तयारी भइरहेको प्रहरीले  जनाएको छ ।

दामनको रिसोर्टमा बेहोश भएका ८ जना भारतीय पर्यटकको मृत्यु

मकवानपुरमा ८ जना भारतीय पर्यटकको मृत्यु भएको छ ।

दामनको एभरेष्ट पानोरमा रिसोर्टमा रात बिताएका ८ जना भारतीय पर्यटकको मृत्यु भएको हो ।

प्रहरी उपरीक्षक सुनिल सिंह राठौर ले एउटै कोठामा राति हिटर बालेर बस्दा ८ जनाको मृत्यु भएको बताए ।

बिहान रिसोर्टका स्टाफले आठै जना बेहोश अवस्थामा भेटेपछि प्रहरीलाई खबर गरेका थिए ।

ज्यान गुमाउने आठै जना भारतीय पर्यटकको सनाखत भएको छ । केरला राज्यका ३८ वर्षीय रन्जित कप, ३४ वर्षीय इन्द्र, ३७ वर्षीय प्रविण, ३२ वर्षीया सरिया, पाँच वर्षीय बालक अभि, सात वर्षीया बालिका अर्चना, पाँच वर्षीय वैशनव र नौ वर्षीय वन्द्रको मृत्यु भएको प्रहरीले जानकारी दिएको छ । 

सभामुखमा उम्मेदवारीपछि अग्निको प्रतिक्रिया – संसदको गरिमा राख्न भगिरथ प्रयत्न गर्नेछु

प्रतिनिधिसभा सभामुख पदमा उम्मेदवारी दर्ता गराएका नेकपा सांसद अग्नि सापकोटाले संसदको गरिमा कायम गर्न भरपूर प्रयत्न गर्ने बताएका छन् ।

मंगलवार मध्याह्न संसद भवन नयाँ बानेश्वरमा उम्मेदवारी दर्ता गराएपछि पत्रकारलाई प्रतिक्रिया दिँदै सापकोटाले संसदको गरिमा कायम राख्न भगिरथ प्रयत्न गर्ने बताएका हुन् । 

नेकपा संसदीय दलका उपनेता सुवास नेम्वाङ प्रस्तावक रहेर सापकोटाले उम्मेदवारी दर्ता गरेका छन् । सापकोटाको समर्थकमा पूर्व सभामुख ओनसरी घर्ती, संसदीय दलका मुख्य सचेतक देव गुरुङ, सचेतक शान्ता चौधरी छन् । 

नेपाली कांग्रेसले भने उम्मेदवारी नदिने भएको छ । मंगलवार सिंहदरबारमा बसेको संसदीय दलको बैठकले सभामुखमा उम्मेदवारी नदिने निर्णय गरेको सांसद प्रकाश रसाइलीले लोकान्तरलाई जानकारी दिए । उम्मेदवारी मनोनयको समय दिउँसो २ बजेसम्म छ । अन्य दलले सभामुखमा उम्मेदवारी दिने तयारी गरेका छैनन् ।

कांग्रेसले उम्मेदवारी नदिएपछि सापकोटा निर्विरोध भएका छन् तर यसको औपचारिक घोषणा भने माघ १२ गते बस्ने प्रतिनिधिसभा बैठकबाट हुनेछ । माघ १२ गतेको बैठकको अध्यक्षता ज्येष्ठ सदस्य महन्थ ठाकुरले गर्नेछन् ।

 

प्रतिनिधिसभा सभामुखका लागि अग्नि सापकोटाको उम्मेदवारी दर्ता

प्रतिनिधिसभा सभामुखका लागि नेकपाका सांसद अग्नि सापकोटाले उम्मेदवारी दर्ता गरेका छन् ।

नेकपा संसदीय दलका उपनेता सुवास नेम्वाङ प्रस्तावक रहेर सापकोटाले उम्मेदवारी दर्ता गरेका हुन् । 

सापकोटाको समर्थकमा पूर्व सभामुख ओनसरी घर्ती, संसदीय दलका मुख्य सचेतक देव गुरुङ, सचेतक शान्ता चौधरी छन् । संसद भवन नयाँ बानेश्वरको ल्होत्से हलमा सापकोटाले उम्मेदवारी दर्ता गरेका हुन् ।

नेपाली कांग्रेसले भने उम्मेदवारी नदिने भएको छ । मंगलवार सिंहदरबारमा बसेको संसदीय दलको बैठकले सभामुखमा उम्मेदवारी नदिने निर्णय गरेको सांसद प्रकाश रसाइलीले लोकान्तरलाई जानकारी दिए ।

उम्मेदवारी मनोनयको समय दिउँसो २ बजेसम्म छ । अन्य दलले सभामुखमा उम्मेदवारी दिने तयारी गरेका छैनन् ।

कांग्रेसले उम्मेदवारी नदिएपछि सापकोटा निर्विरोध भएका छन् तर यसको औपचारिक घोषणा भने माघ १२ गते बस्ने प्रतिनिधिसभा बैठकबाट हुनेछ । माघ १२ गतेको बैठकको अध्यक्षता ज्येष्ठ सदस्य महन्थ ठाकुरले गर्नेछन् ।

भिडियो प्रविधिमार्फत ओली र मोदीले गरे इन्टिग्रेटेड चेकपोस्टको संयुक्त उद्घाटन
प्रधानमन्त्री केपी शर्मा ओली र भारतका प्रधानमन्त्री नरेन्द्र मोदीले मंगलवार बिहान विराटनगरमा निर्मित इन्टिग्रेटेड चेकपोस्टको संयुक्त रूपमा उद्घाटन गरेका छन् ।

प्रधानमन्त्री ओलीका प्रेस सल्लाहकार सूर्य थापाले भिडियो प्रविधिमार्फत इन्टिग्रेटेड चेकपोस्टको संयुक्त उद्घाटन गरिएको जनाएका छन् ।

ओली र मोदीले बुधवारै नुवाकोट र गोरखामा पुनर्निमित आवास घरहरूको पनि उद्घाटन गर्ने कार्यक्रम रहेको जनाइएको छ । उद्घाटनका क्रममा ओली र मोदी दुवैले सम्बोधन समेत गरेका छन् ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्