काठमाडौं – प्रमुख प्रतिपक्षी दल नेपाली कांग्रेसको विरोधका बावजुद् सभामुख कृष्णबहादुर महराले चिकित्सा शिक्षा विधेयक संसद्‌मा पेश गर्न अनुमति दिएपछि संसद्‍मा हंगामा भएको छ ।

संसद्को दोस्रो बैठकको कारवाही शुरू भएको घोषणा नगर्दै कांग्रेस सांसदहरू बेलमा गएका थिए । त्यसपछि सभामुख महराले भने, 'आज माननीय सदस्यहरूले गल्ती गर्नुभयो, बैठकको कारवाही शुरू भएकै छैन ।'

बैठक शुरू भएलगत्तै सभामुख महराले सदनको कारवाही अगाडि बढाउने घोषणा गरेका थिए । सभामुखले समय दिएपछि नेकपा प्रमुख सचेतक देव गुरुङको पछि लागेर मन्त्री पोखरेल रोष्टममा जाँदै गर्दा प्रतिपक्षी सांसदले रोकेका थिए ।

मन्त्री नै प्रतिपक्षी सांसदको कब्जामा परेपछि सभामुख महराले संसदको बैठक दोस्रो पटक १५ मिनेटका लागि स्थगित गरेका हुन् ।

संसद्‍मा आज चिकित्शा शिक्षा विधेयक पेश गर्ने कार्यसूची छ । त्यसअघि मंगलवार बसेको संसद् बैठक पनि कांग्रेसले अवरुद्ध गरेको थियो ।