चैत २५, २०७९
वैशाख १० गते हुने प्रतिनिधिसभा सदस्यको उपनिर्वाचन नजिकिँदै गर्दा चितवनमा राजनीतिक गतिविधि बढेको छ । मंसिर ४ को चुनावमा रास्वपा विजयी भएको चितवन २ मा उपनिर्वाचनका माध्यमबाट आफ्नो राजनीतिक विरासत फर्काउन न...
भदौ २२, २०७७
पछिल्लो समय कोरोनाभाइरस (कोभिड– १९) को संक्रमण दर बढेको छ । उपत्यकामा यसको दर अझ उच्च छ । देशैभर मृत्युदर पनि बढेको तथ्यांकले देखाएको छ ।
नेपालमा कोरोना संक्रमणको अवस्था के हो ? अझै कति समय नेपालमा कोरोना संक्रमण रहन्छ ? समुदायमा फैलिएको हो या होइन ? आगामी दिनमा हामीले यसबाट बच्न के गर्नुपर्छ भन्ने विषयमा लोकान्तरकर्मी गगन अर्यालले शुक्रराज ट्रपिकल तथा सरुवा रोग अस्पतालका क्लिनिकल रिसर्च युनिट संयोजक डा. शेरबहादुर पुन कुराकानी गरेका छन् ।
प्रस्तुत छ, कुराकानीको सम्पादित अंश :
नेपालमा कोरोना संक्रमित दिनप्रतिदिन बढिरहेका छन् । कोरोनो समुदायमै फैलिसकेको हो ?
समुदायमा फैलिएको हो कि होइन भन्ने ठूलै बहस भइराखेको छ । होइन भन्यो भने समुदायमा जसलाई परीक्षण गर्यो त्यसैलाई देखिएको छ ।
साइन्टिफिक (वैज्ञानिक) बाटो समाएर यो–यो क्षेत्रमा वा काठमाडौंमा कति मान्छेमा कहाँ–कहाँ फैलिएको छ भन्ने कुरा अर्थात् तथ्यांकहरू छन् भने त्यसलाई देखाएर सरकारले समुदायमा फैलियो भन्नुपर्छ । अहिलेसम्म सरकारले कन्ट्याक्ट ट्रेसिङमा देखिएका मानिसहरूको मात्र परीक्षण भएको छ । समुदायमा परीक्षण नै भएको देखिँदैन ।
सरकारले समुदायमा परीक्षण गर्ने पनि भनिराखेको छ । त्यसको आधारमा समुदायको तथ्यांक तयार भएको खण्डमा समुदायमा फैलिएको हो कि होइन भन्नलाई सजिलो हुन्छ ।
समुदायमा फैलिसक्यो भन्ने कुराका उदाहरण धेरै छन् । यसका लागि सरकारले एउटा पद्धतिमा अनुसन्धान गरेर समुदायमा फैलिएको छ भन्नुपर्छ । अर्को व्यक्ति–व्यक्तिको परिभाषालाई हेर्ने हो भने त संक्रमणको स्रोत नखुलेका संक्रमित र एक्कासि संक्रमण बढी देखिनुले पनि समुदायमा गएको भन्न सकिन्छ । डब्ल्यूएचओले पनि यो परिभाषालाई मान्यता दिएको छ ।
राम्रो तथ्यांक संकलन गरेर अन्त्यमा आधिकारिक जानकारी दिने भने सरकारले नै हो । र यसको फाइदा भनेको आगामी दिनका कसरी जाने भन्ने स्पष्ट खाका आउँथ्यो र योजना बनाउन पनि सजिलो हुन्थ्यो ।
सरकारका प्रतिनिधिले भने अहिलेसम्म समुदायमा फैलिसकेको छैन भन्नुहुन्छ । परीक्षण पनि गर्छौं भन्नुभएको छ । यता विज्ञहरूले समुदायमा फैलिसकेको छ भन्दै आएका छन् । समुदायमा परीक्षण गरेर यकिन तथ्यांक सरकारले सार्वजनिक नगरेसम्म आधिकारिक मान्न मिल्दैन । तर समुदायमा फैलिएका उदाहरणहरू प्रशस्त छन् ।
हाम्रो यही ढंगको परीक्षणले कोरोना नियन्त्रण सम्भव होला ? सरकारले समुदायमा परीक्षण गर्न नसकेको हो ?
नसकेको भन्न मिल्दैन । अहिले स्वास्थ्य मन्त्रालयले सेरो सर्भिलेन्स (Serosurveillance) गर्ने भनेको छ । यसले सामान्य तरिकाले छिटो परिणाम दिन्छ । यो मानिसमा भएको रोग प्रतिरोधात्मक क्षमता हेरेर समुदायमा फैलिएको भन्ने कुरालाई व्यवस्थित अध्ययन गर्ने हो । यसको अध्ययन गर्दा देशका विभिन्न शहरहरूमा अध्ययन गर्नुपर्छ ।
डब्ल्यूएचको कुरालाई मान्ने हो त अझै पहिला नै समुदायमा संक्रमण फैलिसकेको भन्न मिल्छ । तर व्यापक रूपमा समुदायमा फैलिएको छैन भनेर डब्ल्यूएचओले अनुमान गरेको थियो । संक्रमण बढिराखेको अवस्थामा परीक्षणको दायरा धेरै बढाउनु पर्ने थियो, तर त्यो हुन सकेको छैन ।
नेपालमा पनि अहिले वृद्धवृद्धा र पाको उमेरका व्यक्तिहरूको मृत्यु बढी हुन थालेको छ, पहिला युवाको मुत्यु भएको थियो, यसलाई कसरी बुझ्ने ?
यसलाई मैले कसरी विश्लेषणको गरेको छु भने यसभन्दा अगाडिको परीक्षण विदेशबाट आएका र भारतबाट आएका मानिसहरूमा सीमित थियो । ती सबै रोजगारीमा गएका युवा थिए । जो काम गर्ने उमेर समूहका थिए ।
उनीहरूलाई क्वारेन्टीनमा राखेर परीक्षण गरिन्थ्यो र त्यसको संख्या बढी थियो ।
अब अहिले कोरोनाको संक्रमण समुदायतर्फ लम्किएको छ । समुदायमा भएका वृद्धवृद्धामा कोरोनाको संक्रमण हुन थाल्यो । यसरी पहिले र अहिले सिनारियो परिवर्तन भएको छ ।
त्यो समयमा कोरोनाको लक्षण कमैमा देखिन्थ्यो क्वारेन्टीनमा नाचेर/गाएर फर्किएको पनि हामीले देखेका थियौं ।
अब त्यो बेला र यो बेलामा किन बढी संक्रमितको मृत्यु भएको छ भने पहिले युवा थिए रोगसँग लड्ने क्षमताका थिए । अहिले समुदायमा कमजोर मनिसहरू जस्तै वृद्धवृद्धा, दीर्घरोगीहरूमा पनि कोरोना संक्रमण देखिएको छ र यसले पनि के प्रमाणित गर्छ भने समुदायमा फैलिसकेको छ ।
पहिला गर्मी लागेपछि कम हुन्छ भनियो, पछि भदौसम्ममा कम हुन्छ भन्ने थियो, तर संक्रमण बढिरहेकै छ, यो अवस्था कहिलेसम्म जाला ?
वास्तवमा भन्नु पर्दा कुनै पनि विज्ञहरू एक मत छैनन्, किनभने यो नयाँ रोग हो । यसको बानीबेहोरा पनि अचम्म–अचम्मको देखिएको छ । अर्थात् एउटा व्यक्तिमा देखिएको संक्रमणको लक्षण अर्कोमा एउटै हुन्छ भन्ने नहुँदोरहेछ । पहिला फोक्सोमा मात्रै क्षति पुर्याउँछ भनिन्थ्यो, अहिले यसले मानव शरीरका अन्य अंगहरूमा पनि क्षति पुर्याउँदो रहेछ भन्नेमा दुई मत रहेन ।
अर्को कुरा यो एकपटक लागेपछि फेरि लाग्दैन भन्ने कुरा पनि रहेन । संक्रमण शून्यमा झरेका देशहरूमा पनि अहिले फेरि संक्रमण देखिएको छ । पहिला देखिएका व्यक्तिमा पनि फेरि देखिएको छ ।
पहिला गर्मी महिना लाग्दा चाहिँ संक्रमणको असर कम हुन्छ भन्ने थियो किनकी सामान्यतया गर्मी देखिएको भाइरस जाडोमा नदेखिने र जाडोमा देखिएको भाइरस गर्मी नदेखिने हुन्थ्यो त्यो अवस्था पनि अब रहेन । यसले समय र मैसमअनुसार आफ्नो व्यवहार र लक्षणमा परिर्वतन गर्ने देखियो ।
यसको अर्थ के हो भने जति पनि अनुमान लगाइएका थिए ती सबै अनुमानमा सीमित रहे । यो संक्रमण कहाँसम्म लम्बिन्छ ? कहिलेसम्म लम्बिन्छ ? भन्ने कसैले पनि अनुमान लगाउन सक्दैन ।
डब्ल्यूएचओले पनि २ वर्षमा यसको संक्रमण सकिन्छ भनेको थियो । भ्याक्सिन आएर सकिन्छ भनेको थियो कि आफैँ सकिन्छ भनेको थियो त्यो खुलाएको छैन । तर एक वर्षपछि हराउँदैन र २ वर्षपछि हराउँछ भन्ने आधारहरू के हुन् ? डब्ल्यूएचओले पनि अनुमान लगाउने मात्र हो ।
अहिले जसले बोलेपनि विनाआधार र सीमित ज्ञानमा बोलेका हुन् । कहिलेकाहीँ विश्वमा आएका अनुसन्धानका आधारमा बोल्दा अर्को अनुसन्धानले ओभरल्याप गरेको देखिन्छ । अर्थात् विरोधाभास देखिएको छ ।
२/३ महिनासम्म एन्टीबडी रहँदैन भन्दै गर्दा आइसल्याण्डको एउटा अध्ययनले ४ महिनासम्म रहन्छ भनिदियो । तर नेपालको कति भन्ने कुरा कसैलाई पनि थाहा छैन किनकी यहाँ अध्ययनहरू भएका छैनन् । भन्नुको मतलब अनुमानका कुरा आए । भौगोलिक अवस्था अनुसार पनि यसको व्यवहार फरक हुँदो रहेछ ।
अर्को कुरा भारतको अवस्थालाई हेर्ने हो भने त्यहाँको जनसंख्यालाई हेरेर त्यहाँको संक्रमण र मृत्युदर धेरै भन्न मिल्दैन । अन्य देश अमेरिका, इटली भन्दा भारतमा किन मुत्युदर कम छ भन्ने प्रश्न पनि अनुत्तरित छन् ।
यसकारण भौगोलिक अवस्था, स्थान, भाइरसको प्रकृति, अब भाइरसले परिवर्तन गर्ने आफ्नो व्यवहारले गर्दा भाइरस कति समय र कति वर्षसम्म जान्छ भन्न सकिँदैन ।
अहिले सबैले भन्ने डब्ल्यूएचओको आधारमा हो तर उनीहरू पनि सय प्रतिशत सत्य छैनन् ।
भनेपछि दैनिकी तत्काल सहज हुने लक्षण नदेखिएको हो ?
अब भ्याक्सिन नआउञ्जेल र यो भाइरसको संक्रमण नसकिने बेलासम्म कसरी जाने भन्नेतर्फ हामीले सोच्नुपर्छ ।
अबका दिनमा हरेक व्यक्तिले आफ्नो जीवनशैली परिवर्तन नगरेको खण्डमा देशमा निषेधाज्ञा के कर्फ्यु लगाएर गोली नै चलाए पनि केही हुँदैन ।
बन्दाबन्दी तथा निषेधाज्ञाले छोटो समयका लागि र केही पर धकेल्ने मात्र हो । यो दीर्घकालीन समाधान होइन ।
सम्माननीय प्रधानमन्त्रीलाई विज्ञहरूले बन्दाबन्दी (लकडाउन) गर्नुपर्छ भन्ने सुझाव दिनुभएको थियो, त्यो बेलामा पनि मैले यो दीर्घकालीन तथा अन्तिम समस्याको समाधान होइन भनेको थिएँ । हामी सधैँ बन्द गरेर बस्न सक्ने अवस्था पनि रहँदैन ।
मैले यदि प्रधानमन्त्रीलाई सल्लाह दिने हो भने ‘हामी परिवर्तन हौं’ भन्छु ।
जो व्यक्ति सामान्य लक्षण देखिएर निको भएर आयो त्यसले ‘यो त केही होइन’ भन्छ । जुन व्यक्ति आईसीयूबाट वा भेन्टिलेटरबाट फर्किएको छ, त्यसले ‘यो त खतरनाक रहेछ, यसलाई खेलाँची नगर्नुस्’ भन्छ ।
त्यसले गर्दा संक्रमण कसलाई कसरी हुन्छ भन्ने कुरा कसैलाई पनि थाहा छैन । हामी स्वास्थ्यकर्मी भएको नाताले कुनै पनि व्यक्ति आईसीयूसम्म नजाओस् भन्ने नै हुन्छ । त्यसकारण हामीले आफ्नो जीवनशैली परिवर्तन गरौं । कोरोनासँगै जिउन सिकौं । कोरोनाको आधारमा जीवनशैली ढल्काऊँ भन्दै आएको छु ।
पहिला जस्तो स्वतन्त्र जीवन अब कोरोनाले रहन दिएन यदि कसैले त्यस्तै खोज्छ भने उसले त्यसको परिणाम पनि भोग्न तयार हुनुपर्छ । कोरोनाले भनेजस्तै जीवन जिउन सिक्ने अवस्था आयो जसले गर्दा अबको हाम्रो जीवन रक्षा त्यसरी नै हुन्छ ।
अहिले यूरोपका देशमा पनि दूरी कायम गर्ने, मास्क लगाउने, धेरै जमघट नहुने खालका जीवनशैली अपनाएर खोलिएको छ । त्यो पनि कोरोनाकै अर्डर हो नि ! यदि नेपाली जनता पनि त्यसप्रति सचेत हुने हो भने बन्दको आवश्यकता रहँदैन ।
यदि भविष्यमा कोरोना भाइरस रहिरह्यो भने विद्यालयमा भौतिक संरचनाहरू परिवर्तन गरेर विद्यालय सञ्चालन गर्नुपर्ने हुन्छ, यसको अर्थ अब हामी परिवर्तन हुन जरुरी देखिन्छ ।
जबसम्म कोरोना रहन्छ तबसम्म हामी परिवर्तन हुनुपर्ने देखिन्छ अथवा जबसम्म यसको दीर्घकालीन समाधानको भ्याक्सिन आउँदैन तबसम्मका लागि हाम्रो जीवनशैली परिवर्तन नै यसको मूल औषधि हो ।
यसमा करोडौं खर्च गर्नुपर्दैन केवल व्यक्ति आफूले आफ्नो जीवनशैली परिवर्तन गर्नुपर्छ । हामीले धेरै भेन्टिलेटरको कल्पना गरेका छौं, त्यो पनि आवश्यकता नपर्न सक्छ ।
पहिला म परिवर्तन भएँ भने समाज परिवर्तन हुन्छ, अनि कोरोनाको लडाइँ जितिन्छ भन्ने सोच राखौं ।
अहिलेसम्म मैले गरेको अनुसन्धान, मैले देखेको भविष्य पनि यही नै हो ।
वैशाख १० गते हुने प्रतिनिधिसभा सदस्यको उपनिर्वाचन नजिकिँदै गर्दा चितवनमा राजनीतिक गतिविधि बढेको छ । मंसिर ४ को चुनावमा रास्वपा विजयी भएको चितवन २ मा उपनिर्वाचनका माध्यमबाट आफ्नो राजनीतिक विरासत फर्काउन न...
बैतडीको झुलाघाटदेखि पाँचथरको चिवाभञ्ज्याङसम्म मध्यपहाडी यात्रा सकेर नेकपा एमालेको नेतृत्व काठमाडौं फर्किएको छ । संसद्को प्रमुख प्रतिपक्षी दल एमालेको नेतृत्वले मध्यपहाडी यात्राका दौरान सरकारको चर्को आलोचना गरेक...
लेखक एवं निर्देशक प्रदीप भट्टराईका जति फिल्म प्रदर्शनमा आएका छन्, ती सबैले दर्शकको माया र समीक्षकबाट प्रशंसा पाएका छन् । ‘जात्रा’, ‘जात्रै जात्रा’, ‘शत्रुगते’ र ‘महापुरुष...
प्राध्यापक डा. जयराज आचार्यले प्रधानमन्त्री पुष्पकमल दाहाल ‘प्रचण्ड’को भारत भ्रमण फलदायी नभएको टिप्पणी गरेका छन् । देशको प्राथमिकतालाई पहिचान गर्न नसक्दा प्रधानमन्त्री चुकेको उनको टिप्पणी छ । ‘हा...
बुधवार उच्च अदालत विराटनगर पुग्दा धरान उप–महानगरपालिकाका मेयर हर्क साम्पाङ एक वकिलसहित भेटिए । मुद्दाको पेशी भएकाले उनी आफैं उपस्थित भएका रहेछन् । धरान खानेपानी विकास बोर्डको बैठक नबोलाएको भन्दै सा...
नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले नेपाल समाजवादी पार्टी (नेसपा)का एकजना अध्यक्ष महिन्द्र राय यादवलाई पार्टी एकताका लागि पत्र पठाएपछि नेसपामा खैलाबैला उत्पन्न भएको छ ।&nb...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...