फागुन ११, २०८०
अभिनेत्री रेखा थापा आमा बनेकी छन् । अमेरिकामा रहेकी रेखाले शुक्रवार छोरीलाई जन्म दिएकी हुन् । उनले छोरीको नाम वैभवी राज्यलक्ष्मी शाही ठकुरी राखेकी छन् । सामाजिक सञ्जालमा तस्वीर सार्वजनिक गर्दै उनले आमा...
कोरोना भाइरस संक्रमणको जोखिम र लकडाउनका कारण ठप्प चलचित्र क्षेत्रका काम बिस्तारै शुरू हुन थालेका छन् । चलचित्र छायांकन रोकिएका फ्लोरमा गएका छन् ।
चलचित्रको कथा लेखनको काम सकेर बसेकाहरू कलाकार खोज्ने, गीत संगीत निर्माण गर्ने, छायांकनस्थल खोज्ने लगायतमा व्यस्त छन् । चलचित्र छायांकन गर्ने वातावरण भइसकेपछि कतिपय चलचित्रकर्मीहरू धमाधम कथा लेख्न लेख्न व्यस्त छन् ।
चलचित्र ‘ए मेरो हजुर ४’को छायांकन शनिवार अर्थात् घटनास्थापनादेखि शुरू गरियो । अनमोल केसी, सुहाना थापा लगायतका कलाकारको मुख्य भूमिका रहेको चलचित्रको छायांकन धमाधम भइरहेको थियो । तर कोरोना भाइरस महामारीको कारण सरकारले गरेको लकडाउनसँगै लगभग आधा चलचित्र खिचेर निर्माण टीम आ–आफ्नो घर फर्किएको थियो ।
निर्माण पक्षले अब आगामी तिहारसम्म दिनरात गरेरै भए पनि छायांकन सक्ने तयारी गरेको छ । निर्माता सुनिलकुमार थापाका अनुसार चलचित्र आगामी नयाँ वर्ष अथवा दशैंमध्ये एउटा सही समय रोजेर प्रदर्शन गर्ने तयारी छ । निर्माता थापा भन्छन्, ‘अहिले शुरूमा चलचित्रको बाँकी छायांकन सक्छौं । त्यसपछि चलचित्र प्रदर्शन मिति तोक्नेछौं ।’
घोषणा भएर पनि लामै समय छायांकनमा जानबाट रोकिएको चलचित्र ‘आई एम ट्वान्टी वान’को छायांकन पनि शुरू भएको छ । ‘इन्टु मिन्टु लन्डनमा’बाट मन पराइएका अभिनेता धिरज मगर र लिलिबिलीबाट मन पराइएकी अभिनेत्री जसिता गुरुङको अभिनय रहने भनिएकाले पनि चलचित्र प्रतिक्षित थियो । यो चलचित्र प्रतिक्षित हुनुको अर्को कारण ‘हिट’ चलचित्र दिएकी रेनशा राईको निर्देशन रहने भएकाले पनि हो । काठमाडौंबाट छायांकन शुरू गरिएको चलचित्र त्यसपछि धरान र केही अन्य जिल्लाका रमणीयस्थलमा पनि खिच्ने बुझिएको छ ।
चलचित्र ‘प्रेम गीत ३’को पोस्ट–प्रोडक्सनको काम शुरू भएको छ । अहिले धमाधम चलचित्र सम्पादन भइरहेको निर्माता सन्तोष सेनले बताए । उनले भने, ‘अघिल्लो चैत २८ गते प्रदर्शन गर्ने योजनाअनुसार काम गरेका थियौं । तर लकडाउनका कारण सबै काम बाँकी राखेर घरमै सुरक्षित भएर बस्यौं ।’ उनका अनुसार अब चलचित्रको सम्पूर्ण काम केही हप्तामै सकिने छ । त्यसपछि उनको टीम अर्को चलचित्र ‘हुतुतु’को काममा लाग्नेछ । हुतुतुका निर्देशक समेत रहेका सेनले थपे, ‘हुतुतु’को अहिले स्क्रिप्टको काम भइरहेको छ । कलाकार सबै फाइनल भइसकेका छन् । स्क्रिप्ट सक्नासाथ चलचित्र फ्लोरमा जानेछ ।’
हरिवंश आचार्य, प्रदिप खड्का, नाजिर हुसेन, गौरव पहारी, पल शाह लगायतका कलाकारको अभिनय रहने भएकाले पनि हुतुतु चलचित्र छायांकनमा नजाँदैदेखि प्रतिक्षित बनेको छ ।
आइतवार मात्रै चलचित्र ‘चोर र पुलिस’ युनिट छायांकनका लागि फ्लोरमा निस्किएको छ । चलचित्रको छायांकन कालिञ्चोकबाट शुरू भएको हो । चलचित्र निर्माण टीम हेलिकप्टर लिएर काठमाडौैंदेखि कालिञ्चोक पुगेको हो ।
आरएल लामाको निर्देशन रहने चलचित्रमा अभिनेत्री कविता राय, निर्देशक लामा स्वयंको मुख्य अभिनय रहने जनाइएको छ । चलचित्र दोलखाबाहेक सिन्धुपाल्चोकसँग जोडिएका मुडे, चरिकोटल, कुलेखानी, हेटौंडा, पोखरा र काठमाडौं लगायतका स्थानमा पनि खिचिने निर्माण पक्षले जनाएको छ । चलचित्रमा बुद्धि तामाङ, सुलेमान शंकर ‘इकु’, जयनन्द लामा, धिरन शाक्य, कविता राय, रेशम फिरिरि, रामचन्द्र अधिकारी, सुरविर पण्डित, कविता राय, अर्नव बिष्ट, कौसल राई लगायतको पनि अभिनय रहने जनाइएको छ ।
चलचित्र ‘सम्झना बिर्सना’को ट्रेलर निर्माण भइरहेको छ । मुभी फ्याक्ट्रिमा धमाधम यो चलचित्रसँगै रण, गीत गजल लगायतका चलचित्रको अहिले ट्रेलर निर्माण भइरहेको छ । ट्रेलर सकिएपछि यी चलचित्र निर्माता आ–आफ्ना चलचित्रको प्रचारमा व्यस्त हुनेछन् ।
निर्माता रोहित अधिकारीले चलचित्र ‘छ माया छपक्कै’को सिक्वेल बनाउने भएका छन् । गत वर्षको ‘ब्लक–बस्टर’ चलचित्रको सिक्वेल निर्माण हुने पक्का भएको हो । यो चलचित्रको कथा दिपेन्द्र लामाले लेखिरहेका छन् । दिपेन्द्रले नै चलचित्रको निर्देशन गर्नेछन् । कथाको काम सकिएपछि कलाकार खोज्ने काममा व्यस्त हुने र त्यसपछि मात्रै कहिले छायांकनमा जाने भन्ने विषयमा निर्णय हुने निर्माता अधिकारीले जानकारी दिए ।
चलचित्र ‘छ माया छपक्कै’का मुख्य कलाकार दिपकराज गिरी र उनको टीमले चलचित्र ‘छक्का पन्जा ४’ बनाउने निर्णय गरेका छन् । दिपकराजका अनुसार यो चलचित्रको कथाको काम भइरहेको छ ।
चलचित्र ‘भाँडाकुटी’ पनि निर्माण हुने भएको छ । शनिवार एक कार्यक्रमको आयोजना गरेर चलचित्र निर्माणको घोषणा गरिएको छ ।
चलचित्रको कथा कथा लेखन एवं निर्देशन किरण विकले गर्दैछन् । बेनिशा हमाल र मुकुन भुसाल लगायत अन्य केही कलाकारको अभिनय रहने चलचित्र फागुनदेखि फ्लोरमा जाने भएको पत्रकार सम्मेलनमा जानकारी गराइयो । चलचित्रलाई निश्चल पौडेलले खिच्नेछन् ।
अभिनेत्री रेखा थापा आमा बनेकी छन् । अमेरिकामा रहेकी रेखाले शुक्रवार छोरीलाई जन्म दिएकी हुन् । उनले छोरीको नाम वैभवी राज्यलक्ष्मी शाही ठकुरी राखेकी छन् । सामाजिक सञ्जालमा तस्वीर सार्वजनिक गर्दै उनले आमा...
यतिबेला भारतमा बलिउडका स्टार अभिनेताहरूमाथि सुरक्षा खतरा बढेको छ । सलमान खानपछि शाहरख खानमाथि पनि सुरक्षा खतरा बढेको भारतीय सञ्चारमाध्यमहरूले जनाएका छन् । केही दिनअघि मुम्बईस्थित सलमानको घरबाहिर फ...
कवि उपेन्द्र सुब्बाको दोस्रो निर्देशकीय फिल्म ‘मनसरा’को ट्रेलर सार्वजनिक भएको छ । काठमाडौंमा बुधवार आयोजित एक कार्यक्रमबीच सार्वजनिक ट्रेलर सार्वजनिक गरिएको हो । चार मिनेट लामो ट्रेलरमा य...
नेपाली चलचित्र ‘पुजार सार्की’को ट्रेलर सार्वजनिक गरिएको छ । काठमाडौंमा मङ्गलबार एक कार्यक्रमबीच ४ मिनेट १५ सेकेण्ड लामो ट्रेलर सार्वजनिक गरिएको हाे । आगामी जेठ १० गते विश्वव्यापी रुपमा एकसा...
अभिनेता प्रदीप खड्का फेरि अर्को फिल्ममा अनुबन्धित भएका छन् । लामो समयदेखि बेलायत बस्दै आएका निर्देशक प्रदीप शाहीको निर्देशनमा बन्ने नयाँ फिल्ममा उनको शीर्ष भूमिकामा अभिनय रहने भएको हो । गतवर्ष प्रदर्शनमा...
निर्देशक राजु गिरीले ‘ईश्वर’ नामक चलचित्र निर्माणको घोषणा गरेका छन् । दिव्या कंगना फिल्मसको प्रस्तुतिमा बन्ने चलचित्रमा गिरीको लेखन एवं निर्देशन रहनेछ । यसमा पटकथा एवं संवाद भोजराज देवकोटाको रहनेछ ...
नेपालमा भएका जनयुद्ध, जनआन्दोलन, मधेश आन्दोलन लगायतका आन्दोलनहरूको मूल आशय एकल जातीय एकात्मक राज्य संरचनालाई पुनर्संरचना गरी बहुलतामा आधारित समावेशी राज्य निर्माण गर्ने रहेको थियो । अर्थात्, जातीय उत्पीडन र आन्त...
एक दिन प्रातः भ्रमणमा गएको बेला कुनै एक सज्जनले सोधे– ‘कागहरू किन स्वतन्त्र हुन्छन् र सुगाहरू किन बन्धनमा पर्छन् थाहा छ ?’ मैले भनेँ– अहँ, थाहा छैन, भन्नुस् न किन त्यस्तो हुन्छ ?’ उत्त...
आगामी वर्ष २०८१/०८२ को बजेट तथा वार्षिक विकास कार्यक्रम प्रस्तुत हुने संवैधानिक समयसीमा एकदमै नजिक छ । अर्थशास्त्री, सर्वसाधारण, राजनैतिक कार्यकर्ता, विकास साझेदार, उद्यमी, लगानीकर्ता र बेतनभोगीहरू आ–आफ्नै ...