जेरुसेलममा भएको तनाव चर्किएर भिडन्तको स्थिति आएपछि सोमवार साँझ उक्त शहर तथा गाजाको सीमा नजिक रकेट प्रहार गरिएका छन् । 
 

इजरायलले रकेट प्रहार गरेर गाजाका १३० वटा सैन्य टार्गेटमा आक्रमण गरेको जनाएको छ । त्यसक्रममा १५ जना लडाकूहरू मारिएको उसले जानकारी दिएको छ । 

सोमवार जेरुसेलमको पवित्र शहरमा सयौं प्यालेस्टाइनीहरू इजरायली प्रहरीसँग भिडेका थिए । 

इजरायली डिफेन्स फोर्सेसका अनुसार, गाजापट्टीमा रहेका लडाकू समूहले जेरुसेलममा साँझ ६ बजे ६ वटा रकेट प्रहार गरेका थिए । 

रात परेपछि आईडीएफले गाजामा विभिन्न हवाई आक्रमण गरेको थियो । 
 

प्यालेस्टाइनको स्वास्थ्य मन्त्रालयले २० जना मारिएको र त्यसमा नौ बालबालिका पनि रहेको जनाएको छ । 

राति ११ बजेसम्म गाजाबाट इजरायली भूभागमा १५० रकेट प्रहार गरिएको र दर्जनौंलाई आइरन डोमले इन्टरसेप्ट गरेको आईडीएफले जनाएको छ ।