कर्णाली प्रदेश सभाको बैठकमा सर्वाेच्च अदालतको आदेशबाट हालै पुनर्बहाली भएका प्रदेशसभा सदस्यको नाम पढेर सुनाइएको छ । 

सभामुख राजबहादुर शाहीले सोमवारको बैठकमा  प्रदेशसभा सदस्य प्रकाश ज्वाला, अम्मरबहादुर थापा, कुर्मराज शाही र नन्दसिंह बुढा पुनर्बहाली भएका जानकारी दिए ।

बैठकमा नेकपा एमाले संसदीय दलका नेता यामलाल कँडेल कर्णाली प्रदेश सरकारमा एमालेबाट सहभागी भएका भनिएका मन्त्रीलाई तत्काल सरकारबाट फिर्ता हुन आग्रह गरे ।

नेपाली कांग्रेस संसदीय दलका नेता जीवनवहादुर शाहीले प्रमुख प्रतिपक्षी दलले भन्दैमा सरकारमा सहभागी मन्त्री फिर्ता नहुने जिकिर गरे ।