आफ्ना कर्मचारीको पैसाले अन्तरिक्ष घुमेर फर्किए अर्बपति जेफ बेजोस

अमेजन कम्पनीका संस्थापक जेफ बेजोसले आफ्नो रकेटबाट अन्तरिक्षयात्रा गरेर इतिहास रचेका छन् । 

अन्तरिक्षमा पुगेर टेक्ससको मरुभूमिमा मंगलवार फर्किएका बेजोसले यो आफ्नो जीवनकै उत्कृष्ट दिन भएको बताएका छन् । 

यस सफलताका लागि उनले आफ्नो कम्पनीका कर्मचारी र ग्राहकहरूलाई धन्यवाद दिएका छन् । 

उनले भने, ‘म अमेजनको प्रत्येक कर्मचारी र ग्राहकलाई धन्यवाद दिन्छु । मेरो यात्राका लागि तपाईंहरूले पैसा तिर्नुभएको हो ।’

बेजोसले अमेजनको सियाटलस्थित केन्द्रीय कार्यालय नपजक केन्टमा सन् २००० मा ब्लु ओरिजिन स्थापना गरेका थिए । अन्तरिक्षयात्रा गराउनका लागि उक्त कम्पनी बनाइएको हो । 

ब्लु ओरिजिनका प्रमुख कार्यकारी अधिकारी बब स्मिथले सन् २०२१ को अन्त्यसम्ममा कम्पनीका थप दुई उडान अन्तरिक्ष पुग्ने बताए । 

बेजोस आफ्ना भाइ, नेदरल्यान्ड्समा बस्ने १८ वर्षीय युवक र टेक्ससमा बस्ने ८२ वर्षीया महिलासँग अन्तरिक्षयात्रामा पुगेका थिए । 

बेजोसभन्दा अघि अर्को धनाढ्य व्यापारी रिचर्ड ब्रान्सन अन्तरिक्ष पुगेर आएका छन् ।