भारतले अर्को विकेट पनि गुमायो, सूर्यकुमार आउट

आइसीसी टी- २० विश्वकपको फाइनल खेल शनिबार राति भारत र दक्षिण अफ्रिकाबीच चलिरहेको छ । बार्बाडोसको किङ्सटन ओभलमा  टस जितेर पहिले ब्याटिङ गरेको भारतले ४.३ ओभरको  खेल सकिँदा ३ विकेट गुमाएको छ ।

भारतले ३ विकेट गुमाउँदा जम्मा ३४ रन बनाएर खेलिरहेको हो । भारतका लागि रोहित शर्मा ९ रन र रिशव पन्त शुन्य रनमै आउट भएका हुन् । यस्तै सूर्य कुमार यादव पनि ३ रनमै आउट भए । 

दक्षिण अफ्रिका पहिलोपटक फाइनल पुगेको हो । दक्षिण अफ्रिका आज भारतलाई हराएर पहिलो उपाधि जित्दै इतिहास रच्ने रणनीतिमा रहेको छ । 

यता भारतले तेस्रोपटक उपाधि भिडन्त गर्न लागेको हो । 

भारतले डिफेन्डिङ च्याम्पियन इंग्ल्यान्ड र दक्षिण अफ्रिकाले अफगानिस्तानलाई हराएर फाइनलमा स्थान पक्का गरेका हुन् । 

भारतले सन् २०१३ पछि आईसीसी ट्रफी जित्न सकेको छैन । २००७ मा भारतले टी–२० विश्वकपको उपाधि जितेको थियो । यसर्थ उ आज टी–२० विश्वकपको दोस्रो उपाधि जित्ने दाउमा रहेको छ । 

दक्षिण अफ्रिका हालसम्म फाइनल पुग्न सकेको थिएन । टेस्ट, एकदिवसीय र टी–२० विश्वकपमा दक्षिण अफ्रिका उपाधि नजिक पुगेको यो पहिलोपटक हो ।