अमेरिकाको राजदूतबाट फिर्ता भएका पूर्व अर्थमन्त्री डा. युवराज खतिवडा नेकपा एमालेको महाधिवेशनमा झुल्किएका छन् । महाधिवेशनमा प्रतिनिधिको रुपमा खतिवडा सहभागी भएका छन् । 

प्रधानमन्त्री शेरबहादुर देउवा नेतृत्वको सरकारले खतिवडासहित पूर्ववर्ती केपी शर्मा ओली सरकारले नियुक्त गरेका सबै राजदूतलाई फिर्ता बोलाएको थियो । 

अमेरिकाबाट फिर्ता भएपछि खतिवडा सार्वजनिक कार्यक्रममा देखिएका थिएनन् । तत्कालीन नेकपामा खतिवडा केन्द्रीय सदस्य थिए । खतिवडालाई राष्ट्रिय सभामा नियुक्त गर्ने कि नगर्ने भन्ने विषयमा विवाद हुँदा नेकपाभित्र रडाको मच्चिएको थियो । 

केपी ओली प्रधानमन्त्री रहेको समयमा तीनवटा बजेट ल्याउने अवसर पाए पनि खतिवडाले ल्याएका बजेट विवादमा परेका थिए । अमेरिकी आर्थिक सहयोग कार्यक्रम एमसीसीमा सहजीकरण गर्नका लागि तत्कालीन ओली सरकारले खतिवडालाई अमेरिकाका लागि राजदूत बनाएको थियो ।