अमेरिकी सेनाले काबुलमा अगस्ट २९ मा काबुलमा गरेको ड्रोन आक्रमणको भिडियो बुधवार जारी गरेको छ । 

उक्त आक्रमणमा सात बालबालिका सहित १० जना अफगान नागरिक मारिएका थिए । आईएसका आतंकवादीहरूलाई लक्ष्य बनाएर आक्रमण गरेको भए पनि मेरिकीहरूले अफगान सर्वसाधारणको हत्या गरेका थिए । 

भिडियोमा अमेरिकी सेनाको ड्रोन काबुल शहरमाथि सेतो टोयोटा कोरोला कारलाई ट्य्राक गरिरहेको देखिन्छ । आईएसकेपीका आतंकवादीहरूको कारमा विस्फोटक पदार्थ छ रहेको भन्ने अनुमानमा कार ट्य्राक गरिएको थियो । 

तर उक्त अनुमान गलत ठहरियो र सर्वसाधारण मारिए । पहिला त सेनाले आतंकवादीहरू नै मारिएको भनी अड्डी कसेको थियो तर पछि सत्यलाई स्वीकार गरेको थियो । 

आक्रमणको लगभग तीन सातापछि अमेरिकी सेनाले यो दुःखद भूल भएको बतायो । तर यसका लागि कसैलाई पनि सेनाले दोषी ठहर गरेन । 

रक्षामन्त्री लोयड अस्टिनले नागरिकको हताहती तथा क्षतिबाट बच्नका लागि सेनालाई उच्च ध्यान दिन आग्रह गरेका छन् ।